02:00 18 Нанҳәа 2019
Ишиашоу ицо аефир
  • USD66.00
  • EUR73.22

Гагра аҭыԥ змаз амҩатә машәыр ааха знаҭаз ауаа ахәышәтәырҭа илырҩааит

© Sputnik / Алексей Сухоруков
Аԥсны
Икьаҿу ахьарԥш аиура
9 0 0

Ԥхынгәы 12 рзы гагратәи атоннель аҿы иҟалаз амҩатә машәыр иахҟьаны иҭахеит хҩык ауааԥсыра.

АҞӘА, ԥхынгәы 23 – Sputnik, Бадри Есиава. Твертәи аобласт ауааԥсыра, амҩатә машәыр аҟны аахақәа зауз ахәышәтәырҭа илырҩааит ҳәа Sputnik акорреспондент изеиҭеиҳәеит ахәышәтәырҭа аҳақьым хада Виачеслав Аргәын.

"Гагра атоннель аҟны амҩатә машәыр аан ааха зауз Твертәи аобласт ауааԥсыра иацы ахәышәтәырҭа илаҳҩааит", - иҳәеит Аргәын.

Ааха зауз Твертәи аобласт ахь инаган ԥхынгәы 22 рзы ҳәа аҳәоит арегион аиҳабыра рсаит.

"Гагра амҩатә машәыр аан аахақәа зауз рԥыларазы ԥхынгәы 22 рзы Москватәи аобласт, Домодедово аҳаиртә баӷәазахь инашьҭын ацхыраара ласы амашьынақәа ҩба апсихологи аҳақьымцәеи рыцны", - аҳәоит адырраҭараҿы.

Ԥхынгәы 12 рзы Гагра иҟалаз амҩатә машәыр иалахәын автомашьынақәа Honda Fit, Volkswagen. Абри аан иҭахеит Сыктывкар инхоз (1953 шықәса рзы ииз) ауаҩԥси Аҟәа ақалақь аҿы инхоз Павел Милтониани (1953 шықәса рзы ииз). Амҩатә машәыр иалахәыз зегьы гагратәи ахәышәтәырҭахь инаган. Урҭ рҟынтәи хәҩык туристцәоуп.

Автомашьына Honda Fit аԥсҟы зкыз Саид Вазиев гагратәи ахәышәтәырҭахь днаган иҭагылазаашьа хьанҭаны. Иара иаразнак аоперациа изуны Ареспубликатә хәышәтәырҭа анеирохирургиа аҟәшахьы Аҟәаҟа диаган. Ачымазаҩ иҭагылазаашьа акыр ихьанҭоу ҳәа ахәшьара арҭон аҳақьымцәа.

Аамҭақәак ааҵхьаны Гагра амҩатә машәыр иалахәыз, автомашьына Honda Fit аԥсҟы зкыз Саид Вазиев ахәышәтәырҭаҿы игәы аангыланы дыԥсит, абри атәы Sputnik иазааицҳаит Ареспубликатә хәышәтәырҭа аҳақьым хада ихаҭыԥуаҩ Георги Воуба.

Иара убас шәаԥхьар ҟалоит:

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    24
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    146
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50