Аԥснытәи абоксиор Москва аԥышәара дахысуеит

CC0 / / абоксиор
абоксиор - Sputnik Аҧсны
Анапаҵаҩра
Аԥсуа спортсмен Лаша Акаба москватәи абоксиортә клуб "Bupas Gym" ахь диасыр ҟалоит.

АҞӘА, нанҳәа 8– Sputnik, Бадраҟ Аҩӡба. Аҟәа ақалақь абокс ашкол ааӡамҭа, 17-шықәса зхыҵуа Лаша Акаба москватәи аклуб "Bupas Gym" ахь днарыԥхьеит иԥышәаразы ҳәа Sputnik иазеиҭеиҳәеит абоксиор Баҭал Чежьиа.

Акаба Москва дыҟоуп, уажәы уатәи азыҟаҵаҩцәа рнапхгарала СССР аспорт азҟаза, леон иорден занашьоу георги Блаб игәалашәара иазку Жәларбжьаратәи атурнир иҽазыҟаиҵоит. Атурнир мҩаԥысуеит Аԥсны, цәыббра 26 инаркны жьҭаара 2 рҟынӡа.

Спортсмены - Sputnik Аҧсны
Жәларбжьаратәи атурнир аҿы аԥснытәи абоксиор ахьтәы медалқәа иоуит

"Атурнир аҽазыҟаҵараан москватәи азыҟаҵаҩцәа аспортсмен дҭырҵаауеит, ишьклаԥшуеит апрофессионалтә спорт ахь ииагара алшару иалымшару ҳәа", - еиҭеиҳәеит Баҭал Чежьиа. Иара ихаҭагьы аклуб "Bupas Gym" аҿы аҽазыҟаҵарақәа дырхысуеит.

Акаба аа-шықәса ҵуеит абокс инапы алакуижьҭеи. Абарҭ аамҭақәа рыла изныкымкәа жәларбжьаратәи атурнирқәа рҿы аԥыжәарақәа игахьеит.

"Лаша, Урыстәыла аспорт азҟаза акандидас дыҟоуп, Аԥсны аспорт азҟаза ҳәа ахьӡ имоуп. Москва иоуа алшарақәа Аԥсны иоуам азы еиҳа ииашаны иазаҳаԥхьаӡеит Москва аҽазыҟаҵарақәа дырҿызарц", - азгәеиҭеит Чежьиа.

Лаша Акаба иазыҟаҵаҩцәа ражәақәа рыла, дара аспортсмен иҭагылазаашьеи илшарақәеи акыр иргәаԥхоит азгәеиҭеит Чежьиа.

Иара убас шәаԥхьар ҟалоит:

 

Ажәабжьқәа зегьы
0