Микрофон  - Sputnik Аҧсны
Арадио

Арсалиаԥҳа нанҳәа 26 рзы аконцерт азы: акультуратә проект хацыркхоит

© Sputnik / Томас ТхайцукЭльвира Арсалия
Эльвира Арсалия  - Sputnik Аҧсны
Анапаҵаҩра
Аԥсны акультуреи аҭоурых-культуратә ҭынха ахьчареи рминистр Ельвира Арсалиаԥҳа арадио Sputnik аефир аҟны еиҭалҳәеит Аԥсны Жәларбжьаратәи азхаҵара амш шазгәаҭахо.
Арсалиаԥҳа нанҳәа 26 рзы аконцерт азы: акультуратә проект хацыркхоит

Аԥсны Жәларбжьаратәи азхаҵара аҳаҭыр азы нанҳәа 26 рзы Аԥснытәи аҳәынҭқарратә филармониаҟны имҩаԥысуеит аконцерт.

Традициала ари аҽны апроект "Урыстәыла –Аԥсны 2019" акультуратә сезон аҳәаақәа ирҭагӡаны Урыстәылатәи аколлективқәа аԥхьара рырҭоит. Сынтәа аконцерт иалахәхоит Зыкина лыхьӡ зху Аҳәынҭқарратә академиатә аурыс жәлар рансамбль "Россия".

"Аҳәынҭқарратә филармониаҟны иҟалоит ақәгыларақәа, аофициалтә хәҭа. Аконцерт актәи ахәҭаҟны иқәгылоит Зыкина лыхьӡ зху Урыстәыла анҭыҵгьы еицырдыруа, адунеи иакәшахьоу ансамбль. Аҩбатәи ахәҭаҟны иқәгылоит ҳҳәынҭқарратә акәашаратә ансамбльқәа ԥшьба", -  лҳәеит Арсалиаԥҳа.

Лара иазгәалҭеит нанҳәа 26 рзы имҩаԥысуа аконцерт ала ишаатуа акультуратә сезон "Урыстәыла-Аԥсны 2019".

"Иҳаӡбеит ари апроект аиҩызара, акультура аимадара аформат ала иааҳартырц. Анаҩс цәыббрамзазы Аԥсныҟа иаараны иҟоуп Чехов ихьӡ зху атеатр, Аԥснытәи аҳәынҭқарратә капелла  Чаиковски ихьӡ зху азал аҟны иқәгылараны иҟоуп, имҩаԥысуеит аконференциақәа. Аха нанҳәа 26 рзы имҩаԥысуа аконцерт ала ауп акультуратә сезон шаартхо ҳх әар ҳалшоит", - ҳәа азгәалҭеит Арсалиаԥҳа.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0