АҞӘА, нанҳәа 30 - Sputnik, Сариа Кәарцхьиаԥҳа. Аԥсны ахада иалхра акурорттә сезон анырра анамҭеит ҳәа иҳәеит Аԥсны акурортқәеи аныҟәарақәеи рзы аминистр ихаҭыԥуаҩ Асҭамыр Барцыц, аминистрра аԥхынтәи асезон еихшьаало, Sputnik Аԥсны апресс-центр аҿы нанҳәа 30 рзы имҩаԥысуаз апресс-конференциаҿы.
Иара иазгәеиҭеит асезон шьақәтәаны ишыҟаз, ишацәшәоз еиԥш, ахада иалхрақәа уи анырра шарымҭаз. Аԥсшьаҩцәа Аԥсны Мрагыларатәи ахәҭа аинтерес ркуа ишалагаз.
Ҵыԥхтәи ашықәс иаҿурԥшуазар, аԥсшьаҩцәа рхыԥхьаӡара маҷк еиҵоуп, уи а ақәоурақәа роуп еиҳарак изыхҟьаз ҳәа рыԥхьаӡоит аминистрраҟны.
"Иахьазы Аԥсны Мрагыларатәи ахәҭа мчыбжьык аҩнуҵҟала иаҭаауеит жәа-нызқьҩык рҟынӡа атуристцәа. Аиҳарак ари адинхаҵара иадҳәалоу, иара убас аӡыршхыҵхырҭақәа ирҭаауа роуп", - иҳәеит иара.
Аԥсны акурортқәеи аныҟәарақәеи рзы аминистр ихаҭыԥуаҩ Асҭамыр Барцыц иажәақәа рыла, акурорттә сезон ахыркәшара макьаназ изаауп. Ҳаԥхьаҟа аамҭа ыҟоуп. Аусбарҭа адыррақәа рыла, цәыббрамзазы заанаҵтәи аҿаҵарақәа 60% ыҟоуп.
Акурортқәеи атуризми рзы аминистрра ргәы иҭоуп асасааирҭақәа русзуҩцәа рквалификациа аизырҳара. Уи азы иаарыԥхьарц рҭахуп Урыстәылеи Ҭырқәтәылеи рҟазауаа.
Иара убас шәаԥхьар ҟалоит:
-
Лаҵарамзеи нанҳәамзеи ирыбжьаркыз аамҭазы 600 нызқьҩык Аԥсны рыԥсы ршьахьеит
