АҞӘА, цәыббра 8 – Sputnik, Сариа Кәарацхьиаԥҳа. Рауль Ҳаџьымба иахьа шьыжьнаҵы, асааҭ 9:00 рзы ибжьы аиҭеит алхырҭатә ҭыԥ №2 аҿы ҳәа аалыцҳауеит Sputnik акорреспондент аҭыԥ аҟынтәи.
Алхырҭатә ҭыԥ № 2 Аҟәатәи абжьаратә школ № 14 аҿы иаартуп.
"Сгәалаҟара бзиоуп. Уаҵәтәи аԥеиԥш азы сыбжьы сҭиит. Иҟалаша сызҳәом аха агәра згоит ауаажәлар ииашу алхра шыҟарҵо. Ахшыҩ аиааип ҳәа сгәыӷуеит", - иҳәеит иара.
Аԥсны иахьатәи ахада, атәыла ахадарахь акандидат Рауль Ҳаџьымба аҩбатәи атур ахь днеиит 24,83% алхыҩцәа рыбжьы иманы.
Рауль Хаджимба проголосовал на избирательном участке № 2 седьмого округа, расположенном в здании Сухумской школы №14. pic.twitter.com/HS28d1hP8Y
— Sputnik Абхазия - Прямые трансляции (@SputnikAbkh) 8 сентября 2019 г.
Абжьыҭаразы азин рымоуп зықәра наӡахьоу Аԥсны атәылауаа зегьы, зжәытә тәылауаҩшәҟәқәа аҿыцқәа рыла изыԥсаххьоу.
2019 шықәса рызтәи Аԥсны ахада иалхрақәа актәи ртур мҩаԥысит нанҳәа 25 рзы. Уи иалахәын ҳтәыла иҿыцӡоу аҭоурых аҟны алхрақәа ирылахәыз рахьтә зегь иреиҳахаз ахыԥхьаӡара - жәҩык акандидатцәа.
Урҭ рахьтә аиааиразы иаҭахыз 50% иреиҳаны абжьқәа аӡәгьы иахьимоуз азы, абжьыҭара аҩбатәи атур рылаҳәан.
Ҩынтәтәи абжьыҭараан абжьқәа реиҳарак зауз акандидат аиааира игеит ҳәа дрыԥхьаӡоит.
Убри аан алхрақәа рхы рыладырхәроуп алхыҩцәа рсиақәа ирну 25% иреиҵамкәа атәылауаа. "Зегьы ирҿагылоу" аграфа абжьқәа реиҳарак аиур, алхрақәа зышьақәымгылеит ҳәа рыларҳәоит.
