АҞӘА, цәыббра 10 - Sputnik, Бадри Есиава. Цәыббра 8-9 рзы Григори Мешьчериаков игәалашәара иазкыз ахәыҷқәа рыбжьара абокс азы жәларбжьаратәи атурнир мҩаԥысит Гагра ҳәа Sputnik иазеиҭеиҳәеит атурнир аиҿкааҩцәа руаӡәк, Елизбар Џьологәуа.
Иара иазгәеиҭеит атурнир ишалахәыз 80-ҩык аспортсменцәа.
"Аспортсменцәа зегьы иранашьан амедалқәеи аҳаҭыртә шәҟәқәеи. Командацыԥхьаӡа рҟны иалкаахаз абоксиор Ахраҿа ианашьан", - иҳәоит Џьологәуа.
Аспортсменцәа х-қәратә категорианы еихшан - 10 – 11; 12 – 13; 14 -15.
©
Foto / Элизбар Джологуа
Ахәыҷқәа рыбжьара абокс азы жәларбжьаратәи атурнир мҩаԥысит Гагра
