Адлер ақалақь аҿы Аԥсны атәылауаҩ анаркотикқәа идырбалеит

© Sputnik / ФСБ РФ / Амедиаҵәахырҭахь аиасраАбаандаҩы
Абаандаҩы - Sputnik Аҧсны
Анапаҵаҩра
Аангыларҭа "Адлер" аҿы аус зуа аполициа апатрультә маҵзура аусзуҩцәа агәҩара рызцәырызгаз хаҵак рылаԥш дыҵашәеит.

Аҟәа, цәыббра 18 - Sputnik. Шәача ақалақь атранспорттә полициа дааныркылеит Аԥсны атәылауаҩ. Иара идбалан асинтетикатә наркотикқәа.

33 шықәса зхыҵуа Аԥсны атәылауаҩ даанкылан аангыларҭа "Адлер" аҿы ҳәа азгәаҭоуп адырраҭараҿы.

Ахаҵа аполициа аҷаԥшьаратә ҟәшахьы днаган. Аҭыԥ аҿы идырбалеит аилаҳәарақәа ҩба.

"Аекспертцәа рылкаақәа рыла, аилаҳәарақәа иргәылаԥсаз иххны иҟаз наркотикатә маҭәашьарын. Метадони кокаини роуп ҳәа ишьақәырӷәӷәан. Акапан 35 грамм иҟан", - аҳәоит адырраҭара.

Уажәтәи аамҭазы иара иганахьала аусҭҵаара мҩаԥысуеит "Изакәанымкәа анаркотикатә маҭәашьарқәа раахәареи, рымҩангареи, рыҵәахреи", - ахәҭаҷ инақәыршәаны.

Ажәабжьқәа зегьы
0