Аоппозициаа ԥхьаҟатәи рхымҩаԥгашьа атәы иалацәажәараны иҟоуп

© SputnikМитинг сторонников Алхаса Квициниа
Митинг сторонников Алхаса Квициниа - Sputnik Аҧсны
Анапаҵаҩра
Алхас Кәыҵниа иштаб цәыббра 11 рзы Аԥсны Иреиҳаӡоу аӡбарҭахь ашшыԥхьыӡ нанашьҭит Аԥсны АКХ аӡбра азакәан шьаҭа агәаҭаразы.

АҞӘА, цәыббра 20 - Sputnik, Бадри Есиава. Аоппозициаа хара имгакәа аизара мҩаԥаагашт, уа ҳалацәажәоит ԥхьаҟатәи ҳхымҩаԥгашьеи ҳусқәеи ҳәа иҳәеит Алхас Кәыҵниа идгылаҩцәа данрыҿцәажәоз.

Здание Верховного суда Абхазии, 19 сентября 2019 - Sputnik Аҧсны
Иреиҳаӡоу Аусӡбарҭа Алхас Кәыҵниа ишшыԥхьыӡ мап ацәнакит

"Ҳара ҳоппозициатә усура мап ацәаҳкуам. Егьырҭ аполитикцәеи ауаажәларратә еиҿкаарақәеи ҳарԥылараны ҳаҟоуп. Иҟалоит аизара ду мҩаԥгана ҳапланқәа ҳрылацәажәар", - иҳәеит иара.

Цәыббра 20 рзы имҩаԥысуаз Иреиҳаӡоу Аусӡбарҭаҿы Аԥсны АКХ абжьыҭирашьҭахьтәи алкаақәа рганахь ала Алхас Кәыҵниа ишшыԥхьыӡ мап ацәнакит.

"Уажәазы акгьы ӡбны иҳамам. Ҳаилацәажәараны ҳаҟоуп. Аӡбамҭа ҳахашшаар ҟалоит", - иҳәеит Кәыҵниа.

Цәыббра 9 рзы Аԥсны Алхратә комиссиа хада аофициалтә дырра ҟанаҵеит: Аԥсны ахада иалхрақәа раан аҩбатәи атур аихшьаалақәа рыла атәыла ахадас Рауль Ҳаџьымба далхуп ҳәа.

Рауль Ҳаџьымба изы рыбжьы арҭеит 39 793-ҩык алхыҩцәа, Кәыҵниа изы - 38 766–ҩык алхыҩцәа. Абжьыҭарахь инеит 65,99% алхыҩцәа.

Алхас Кәыҵниа иштаб цәыббра 11 рзы Аԥсны Иреиҳаӡоу аӡбарҭахь ашшыԥхьыӡ нанашьҭит Аԥсны АКХ аӡбра азакәан шьаҭа агәаҭаразы.

Иара убас шәаԥхьар ҟалоит:

 

Ажәабжьқәа зегьы
0