АҞӘА, цәыббра 23 - Sputnik. Урыстәыла ахада Владимир Путин Путин адҵа ҟаиҵеит Аԥсны Арбџьармчқәа рмодернизациа аԥаразоужьра амҩаԥгаразы аиқәшаҳаҭра анапы аҵаҩызарц.
Абри атәы аҳәоит азинтә информациа аинтернет-портал аҿы.
"Аԥсны Аҳәынҭқарра Арбџьармчқәа рмодернизациа аԥаразоужьразы Аԥсны Аҳәынҭқарреи Урыстәылатәи Афедерациеи рыбжьара аиқәшаҳаҭра анапаҵаҩразы Урыстәылатәи Афедерациа аиҳабыра ражәалагала адкылазааит", - ҳәа аҳәоит адокумент аҿы.
Урыстәыла Атәылахьчара аминистрра, Урыстәыла Адәныҟатәи аусқәа рминистрра алархәны аԥсуа гани дареи реилацәажәара рнапы ианҵоуп.
Нанҳәа 23 рзы Аԥсны Атәылахьчара аминистр Мираб Кьышьмариа Москва диԥылеит иколлега Сергеи Шоигу. Атәылахьчарақәа рминистррақәа рхадацәа аҩтәылак русеицура азҵаарақәа ирылацәажәеит, иара убасгьы рнапы аҵарҩит Москвеи Аҟәеи рыбжьара Аԥсны Аҳәынҭқарра Арбџьармчқәа рмодернизациа аԥаразоужьразы.
Иара убас шәаԥхьар ҟалоит:
-
Кьышьмариеи Шоигуи ар рмодернизациазы аиқәшаҳаҭра рнапы аҵарҩит
