АҞӘА, цәыббра 26 – Sputnik, Сариа Кәарцхьиаԥҳа. Самбо азы атурнир "Аиааира Ахраҿа" аатит Аҟәа ҳәа Sputnik иазеиҭеиҳәеит аӡбаҩ хада Евгени Барков.
Аицлабрақәа Аиааиреи Ахьыԥшымреи рымш азгәаҭара иазырхоуп.
Атурнир хымш имҩаԥысуеит. Иара иалахәуп 12 команда, 240-ҩык аспортсменцәа Аԥсны араионқәа, Ҟарачы-Черқьессиа, Адыгеиа, Риазань, Ростов-на-Дону, Белоруссиа рҟынтәи.
"16-нтәуп атурнир мҩаԥыргоижьҭеи. Аицлабрақәа акыр интересуп. Атурнир еснагь гәахәарыла рхы аладырхәуеит. Самбо Аԥсны аҿиара змоу спорт хкуп", - иҳәоит Евгени Барков.
Самбо азы атурнир "Аиааира Ахраҿа" хыркәшахоит цәыббра 28 рзы.
Иара убас шәаԥхьар ҟалоит:
-
Ирена Адлеиԥҳа самбо азы аиндаҭлараҿ аиааира лгеит
-
Алада Урыстәыла ачемпионат аҿы Аԥснытәи асамбист аиааира игеит
