17:56 12 Нанҳәа 2020
Ишиашоу ицо аефир
  • USD73.24
  • EUR85.96
Аԥсны
Икьаҿу ахьарԥш аиура
42 0 0

Афон ҿыцтәи аконцерт, "Ацынҵәарах", аԥсуа-абаза фестиваль - иааиуа амчыбжь азы акультуратә хҭысқәа Sputnik Аԥсны афишаҿы.

Афон Ҿыц

  • Жьҭаара 19 - 20 асааҭ 16:00 рзы Афон ҿыцтәи аҳаԥаҿы имҩаԥысраны иҟоуп Илиа Римари Ольга Максимовеи рконцерт. Аконцерт апрограммаҿ иарбоуп аклассикатә музыка. Арфарҳәаҩ Ольга Максимова еиуеиԥшым амузыкатә хырхарҭақәа– аелектронтә музыка, ембиент, анеоклассика, аџьаз налыгӡоит. Урыстәыла зегь аҟны лара аӡәзаҵәык лоуп ҩ-арфак рҟны ихәмаруа. Илиа Римар –ашоу "Голос" дафиналиступ, апрограмма "Ну-ка все вместе!", апроект "Удивительные люди" дрылахәылоуп.

Тҟәарчал

  • Жьҭаара 15 асааҭ 15:00 рзы Тҟәарчал ақалақь Акультура Ахан аҿы – Аԥсуа ҳәынҭқарратә ҿартә театр аспектакль "Ацынҵәарах".
    © Sputnik / Томас Тхайцук
    Премьера спектакля "Последний из ушедших"

Гәдоуҭа, Аҟәа

  • Акультура-спорттә фестиваль "Абаза" аатуеит Гәдоуҭа, жьҭаара 16 рзы Адунеизегьтәи аԥсуа-абаза конгресс Иреиҳаӡоу ахеилак ахантәаҩы Мусса Егзакь ихраҿа агаразы Зхы иақәиҭу аиқәԥаразы атурнир ала. Атурнир ҩымш имҩаԥыслоит. Афестиваль иаҭаараны иҟоуп 250-ҩык рҟынӡа аспортсменцәа Адыгатәылантә, Ҟарачы-Черқьесиантә, Ҟабарда-Балкариантә, Нхыҵ Уаԥстәылантә, Ингәыштәылантә, Чечентәылантә, Даӷьсҭанынтә, иара убас ақалақьқәа Калинингради Шәачеи рҟынтә.

Жьҭаара 18 рзы афестиваль Аҟәаҟа ииасуеит, иагьацҵахоит Аԥсуа драматә театр аҿаԥхьа Амҳаџьырцәа рыԥшаҳәаҿы акультуратә программала. Аҟәа аныҳәа хацыркхоит асааҭ 13:00 рзы, аахәлаанӡагьы имҩаԥыслоит. Ахәаԥшыҩцәа ирыдгалахоит аҭаца лаагара аазырԥшуа ақәыргыламҭа. Ақәыргыламҭа ахҳәаа азуа еиҭаҳәахоит аҵас ҵаҵӷәыс иамоу аарԥшра.

Асааҭ 13:00 рзы Аԥсуа драматә театр аҿаԥхьа иаатуеит Ельбурган ақыҭаҿтәи аетнографиатә музеи Аԥснытәи аҳәынҭқарратә музеи рекспозициа.

Асааҭ 14:40 рзы имҩаԥгахоит аԥсуеи абазеи коллективқәа рконцерт. Ауснагӡатә ахы аладырхәуеит Ҟарачы-Черқьессиа аҳәынҭқарратә филармониа акәашара атеатр, аԥснытәи ашәаҳәаҩцәа Лиудмила Гумба, Заур Зыхәба, аколлектив "Адау", аетнографиатә ансамбль "Ахьышьҭра".

Афестиваль асасцәа ирыдгалахоит аԥсуеи абазеи жәларқәа рчысхә.

РУСДРАМ

  • Жьҭаара 19 асааҭ 16:00 рзы Фазиль Искандер ихьӡ зху аурыс драматә театр аҿы еиҿкаау ахәыҷтәы студиа иқәнаргылоит аспектакль "Муха Цыкатуха".

Аԥснытәи аҳәынҭқарратә университет

  • Жьҭаара 18 асааҭ 10:40 рзы ААУ имҩаԥысуеит Адунеизегьтәи аԥсуа-абаза конгресс ахантәаҩы Мусса Егьзақьи астудентцәеи реиԥылара. Аиԥылара атема – аԥсуа-абаза етнос аиқәырхара.

Ихадоу атемақәа