12:56 10 Ԥхынҷкәын 2019
Ишиашоу ицо аефир
  • USD63.58
  • EUR70.39

Даниил Харчлаа Латвиа зых иақәиҭу ақәԥаразы ахьтәы медал игеит

© Foto / Государственный комитет РА по физической культуре и спорту
Аԥсны
Икьаҿу ахьарԥш аиура
12 0 0

Зых иақәиҭу ақәԥаразы Жәларбжьаратәи атурнир иалахәын Аԥснытәи аспортсменцәа. Атурнир мҩаԥысуан Латвиа 2019 шықәса жьҭаара 15-18 рзы.

АҞӘА, жьҭаара 21 – Sputnik, Бадраҟ Аҩӡба. Аԥснытәи аспортсменцәа Даниил Харчлааи Ричи Сыҷынааи еицықәгылон зых иақәиҭу ақәԥаразы Жәларбжьаратәи атурнир аҿы Латвиа ҳәа еиҭеиҳәеит Даниил Харчлаа иазыҟаҵаҩ Размик Алабиан.

Даниили Ричи капантә категориак – 65 килограмм – аҿы еицықәгылеит. Даниил Харчлаа актәи аҭыԥ никылеит, Ричи Сыҷынаа — аҩбатәи аҭыԥ никылеит.

"Сара Даниил ииааира сазыԥшын, агәра згон. Аспортсменцәа рҩыџьагьы ибзианы иазыҟаҵан. Срықәгәыӷуан. Ес-ҩымз Даӷьысҭанҟа ицаны аҽазыҟаҵарақәа мҩаԥыргоит, рылҵшәақәагьы шьахәуп", - еиҭеиҳәоит Алабиан.

Хара имгакәа Даниил Харчлааи Ричи Сыҷынааи даӷьысҭан имҩаԥысуа Жәларбжьаратәи атурнир иалахәхараны иҟоуп.

Зых иақәиҭу ақәԥаразы атурнир иалахәын: Латвиа, Литва, Польша, Естониа, Испаниа, Израиль, Финлиандиа, Канада, Украина, Венгриа, Чехиа, Белоруссиа, Урыстәыла, Словакиа рҟынтәи аспортсменцәа.

Аспортсменцәа аҵара рҵоит рҽагьазыҟарҵоит Калиниград, аолимпиатә резерв ашкол аҿы.

Ихадоу атемақәа