04:18 18 Ажьырныҳәа 2020
Ишиашоу ицо аефир
  • USD61.53
  • EUR68.54
Аԥсны
Икьаҿу ахьарԥш аиура
25 0 0

Апассаџьыртә дәыӷба аҵла ақәҳаит Гагра араион Цандрыԥшь ақыҭа азааигәара жьҭаара 24 асааҭ 8:30 рзы.

АҞӘА, жьҭаара 24 – Sputnik, Асмаҭ Ҵәыџьԥҳа. Москвантәи Аҟәаҟа амҩа иқәыз апассаџьыртә дәыӷба Гагра араион Цандрыԥшь ақыҭаҿы жьҭаара 24 асааҭ 8:30 рзы аҵла ақәҳаит ҳәа Sputnik адырра аиҭеит АУН "Аԥсныеихамҩа" анапхгаҩы ихаҭыԥуаҩ Игор Марганиа.

Иара иажәақәа рыла, 185-ҩык апассаџьырцәа рҟынтәи аӡәгьы ааха имоуит.

"Аҵла атепловоз маҷк иҭанарҽылеит, асаркьа ԥҽит, аха апассаџьырцәа кьыс рмоуит. Изҭахыз автобусқәа рыла Аҟәаҟа иааргеит", - иҳәеит иара.

Марганиа иазгәеиҭеит апассаџьырцәа макьаназ акомпенсациазы АУН "Аԥсныеихамҩа" анапхгара ишадымҵаалац.

Ихадоу атемақәа