АҞӘА, жьҭаара 31 – Sputnik, Бадраҟ Аҩӡба. Аҳәса рымҵәышәымпыл азы азыҟаҵаҩ Владимир Ҳашба игәалашәара иазкны имҩаԥгаз атурнир акоманда "Спартак" аиааирала ихыркәшахеит ҳәа Sputnik иазеиҭеиҳәеит ауснагӡатә аиҿкааҩцәа руаӡәык - Дмитри Чартиа.
"Атурнир ҩаӡара ҳаракыла имҩаԥысит. Акомандақәа зегьы азыҟаҵара бзиа рыман, аха реиҳа иӷәӷәаз аиааира игеит. Актәи атурнир асеиԥш маншәаларыла имҩаԥысып ҳәа ҳақәгәыӷуамызт", - иҳәеит иара.
Алахәылацәа рыбжьара иҟан Владимир Ҳашба иҵаҩцәагьы. Аиааиҩцәа аԥхьахә рнапаҿы идлыркит Ҳашба иԥҳа ҳәа еиҭеиҳәоит Чартиа.
Атурнир иалахәын акомандақәа – "Гагра", "Бзыбь", "Гәдоуҭа", "Алаҳаӡы", "Спартак", "Крылья Абхазии" Ареспубликатә хәыҷтәы-қәыԥштә бжьаратә школ №1 (РДЮСШ-1).
Атурнир иачемпионхеит акоманда "Спартак", аҩбатәии ахԥатәии аҭыԥқәа ныркылеит акомандақәа "Алаҳаӡы", "Крылья Абхазии".
Владимир Ҳашба — Аԥсны аспорт азҟаза, аорден "Ахьӡ-Аԥша" III аҩаӡара занашьоу амҵәышәмпыл азы азыҟаҵаҩ.
Иара убас шәаԥхьар ҟалоит:
- Дагомыс атурнир аҟны хәҩык аԥснытәи аспортсменцәа ахьтәы медалқәа ргеит
-
Косики карате азы аԥснытәи аспортсменцәа ҩыџьа Урыстәыла ахраҿа иаԥсахеит
