00:20 16 Ԥхынҷкәын 2019
Ишиашоу ицо аефир
  • USD62.55
  • EUR69.86

Дагомыс атурнир аҟны хәҩык аԥснытәи аспортсменцәа ахьтәы медалқәа ргеит

© Foto / предоставлено: Элизбар Джологуа
Аԥсны
Икьаҿу ахьарԥш аиура
1210

VI абокс азы Жәларбжьаратәи атурнир "Дружба" мҩаԥысуан Дагомыс, жьҭаара 13 рзы. Иара иалахәын хәҩык аԥснытәи аспортсменцәа.

АҞӘА, жьҭаара 14 – Sputnik, Бадри Есиава. VI абокс азы Жәларбжьаратәи атурнир "Дружба" иалахәыз хәҩык аԥснытәи аспортсменцәа ахьтәы медалқәа ргеит ҳәа Sputnik иазеиҭеиҳәеит абокс азы азыҟаҵаҩ Елизбар Џьологәуа.

© Foto / предоставлено: Элизбар Джологуа
Хәҩык аԥснытәи аспортсменцәа ахьтәы медалқәа ргеит Дагомыс

"Аԥсны ахьӡала иқәгылеит Гагрантәи аспортсменцәа ԥшьҩыки аҟәантәи - Ҳаџьараҭ Кардиа, Никита Чуаз, Ренат Бениа, Артур Дертатиан, Нестор Џьанба. Дара зегьы актәи аҭыԥқәа ныркылеит, ахьтәы медалқәа ранашьахеит. Дара ирындаҭлон Израиль, Урыстәыла, Луганск рспортсменцәа", - иҳәеит иара.

VI абокс азы Жәларбжьаратәи атурнир "Дружба" мҩаԥысуан Дагомыс, иалахәын 13-16 шықәса зхыҵуаз 50-ык аспортсменцәа.

Иара убас шәаԥхьар ҟалоит:

Ихадоу атемақәа