08:28 06 Ԥхынҷкәын 2019
Ишиашоу ицо аефир
  • USD63.81
  • EUR70.72

Аҳәааҟны Аԥсны атәылауаҩ метадон идырбалеит

© Sputnik /
Аԥсны
Икьаҿу ахьарԥш аиура
20 0 0

Шәачатәи аҳазалхыҩцәа ашьаус хацдыркит анаркотикқәа рконтрабандаз ҳәа аанацҳауеит Аладатәи аҳазалхратә усбарҭа апресс-маҵзура.

АҞӘА, ԥхынҷкәын 4 – Sputnik. Урыстәылантәи Аԥсныҟа анаркотикатә маҭәашьар аиагара зыгәҭакыз ахаҵа дааныркылеит аушьҭырҭатә ҭыԥ "Адлер" аҿы ҳәа аанацҳауеит Аладатәи аҳазалхратә усбарҭа апресс-маҵзура.

Иаанкылаз "акоридор иаҵәала" дыбжьысуан, уиалагьы ишәарҭоу акгьы сымам ҳәа ихы дирбон. Аҳәаа захыгара ҟамло атауар имоу имаму агәаҭараан идбалан анаркотикатә маҭәашьар.

"Амаҭәашьар аекспертизахь инашьҭын. Ишьақәыргылан 0,577 грамм зыкапан ыҟоу анаркотикатә маҭәашьар – метадон ауп ҳәа", - абас аанацҳауеит апресс-маҵзура.

Иаанкылоу ахаҵа Шәача ақалақь аамҭалатәи аҭакырҭаҿ дыҟоуп. Иара хәышықәса инаркны жәашықәсанӡа ҭакрыла ахгара иқәырҵар ҟалоит, мамзаргьы миллион мааҭ аштраф иқәшәар алшоит.

Иара убас шәаԥхьар ҟалоит:

Ихадоу атемақәа