17:24 24 Ажьырныҳәа 2020
Ишиашоу ицо аефир
  • USD61.80
  • EUR68.29
Аԥсны
Икьаҿу ахьарԥш аиура
9 0 0

Аурыс бызшәа арҵаразы ацентр аус аулоит ААУ арҵаҩратә факультет абазаҟны. Уи аусушьа атәы шәаԥхьа Sputnik аматериал аҟны.

АҞӘА, ԥхынҷкәын 9 – Sputnik, Бадри Есиава. Аурыс бызшәа аҵаразы Иаарту аҵаратә центр аусура иалагоит 2020 шықәса алагамҭазы ҳәа лҳәеит ААУ аҳәаанырцәтәи алитературеи аурыс литературеи ркафедра аиҳабы Наҭелла Бахиа.

"Урыстәылатәи Афедерациаҟны ирылаҳәан атендер апрограмма анагӡаразы. Иара иахықәкын амилаҭтә республикақәа рҿы аурыс бызшәа адырра ашьҭыхра. Атендер аҿы аиааира агеит Чечентәылатәи арҵаҩратә институт. Иара аректор Хож-Ахмед Халадови Аԥсны иҟоу "Россотрудничество" аиҳабыреи аинырра бзиа рымоуп. Иара иаԥшьгамҭоуп апрограмма ААУ аҿы аларҵәара аидеиа", - лҳәоит лара.

Бахиа лажәақәа рыла, ацентр аҿы рҵаҩцәас иҟалоит аҭыԥантәи аҟазауаа реиԥш, чечентәылатәи аҟазауаагьы.

Аурокқәа ирҭаалар рылшоит астудентцәа реиԥш, аиҳабыратә классқәа рҵаҩцәа, аҳәынҭқарратә усбарҭақәа русзуҩцәа. Акурсқәа рахь рҽанырҵар ҟалоит ААУ афилологиатә факультет аҿы.

Иара убас шәаԥхьар ҟалоит:

Ихадоу атемақәа