АҞӘА, ԥхынҷкәын 10 – Sputnik. Аԥсныҟа иааргеит 1000 цыра агәыԥ "Ультрикс" иаҵанакуа аимҳәазы х-еилазаарак змоу алаҵа ҳәа арадио Sputnik иазеиҭалҳәеит атәыла асанитартә ҳақьым хада Лиудмила Скорик.
Аимҳәазы х-еилазаарак змоу алаҵа ҭыжьуп Урыстәыла, адуцәа реиԥш, ахәыҷқәагьы рхы иадырхәар ҟалоит. Скорик лажәақәа рыла, раԥхьа иргыланы алаҵа ҟарҵароуп абыргцәа, ашьақар чымазара змоу, ахьҭа лассы-лассы злаҽуа.
Алаҵаҟаҵара ҟалоит Аԥсны амедицинатә усҳәарҭақәа рҿеиԥш, асанитар-бактериологиатә лабораториаҿ ԥхынҷкәын 11 инаркны.
"Уаанӡа алаҵа ззыҟаҵамыз ааԥхьара раҳҭоит амедицинатә усҳәарҭақәа ирыдҵааларц. Макьаназы аамҭа ыҟоуп алаҵаҟаҵаразы. Аиммунитет аҽарӷәӷәара иахьӡоит ачымазара ҿкаанӡа", - лҳәеит лара.
Уаанӡа Аԥсныҟа иааган ԥшьхкыкны еилоу алаҵа "Ультрикс квадри" аимҳәахкқәа А, В раԥырҟәҟәааразы.
Иара убас шәаԥхьар ҟалоит:
-
Аҳақьым: уажәтәи ахәыҷқәа иаҳа аспорт иазҿлымҳауп, уи ргәабзиарагьы ианыԥшуеит
-
Аҳақьым: аполиомиелит азы алаҵа хымԥадатәиуп
