Аԥсны иҟоу урыстәылатәи аруаа "адиверсантцәа" ҭадырхеит

© Foto / Пресс-служба ЮВО Аԥсны иҟоу урыстәылатәи аруаа "адиверсантцәа" ҭадырхеит
Аԥсны иҟоу урыстәылатәи аруаа адиверсантцәа ҭадырхеит - Sputnik Аҧсны
Анапаҵаҩра
Аԥсны иҟоу Урыстәылатәи Аладатәи арратә округ аррамаҵзурауаа абнараҿи ашьхараҿи имҩаԥыргеит изакәаным аиҿкаарақәа "рдиверсантцәа" рыԥшаареи рҭархареи рзы аԥшыхәратә ҵара.

АҞӘА, ажьырныҳәа 30— Sputnik. Аԥсны иҟоу Урыстәылатәи Аладатәи арратә округ аԥшыхәратә архәҭақәа рыруаа арратә дәқәа рҿы аҽазыҟаҵарақәа мҩаԥыргеит. Аҽазыҟаҵарақәа раан индырҵәеит ашьхараҟны зҽыҵәахны иҟаз "адиверсантцәа". Абри атәы аанацҳауеит Аԥсны иҟоу Урыстәылатәи Аладатәи арратә округ апресс-маҵзура.

Аԥсны иҟоу Урыстәылатәи Аладатәи арратә Округ аррамаҵзурауаа абнараҿи ашьхараҿи имҩаԥыргоз аԥшыхәратә ҵараан ҳаамҭа иақәшәо арратә хархәагақәа: аснаипертә винтовкақәа ВСС "Винторез", агранатаршәгақәа РПГ, АГС-17 "Пламя", апулемиотқәа "Печенег", агранатақәеи автоматқәа АК-74-и рхы иадырхәон.

Азыҟаҵаратә усмҩаԥгатәқәа раан аԥшыхәцәа 150 километра ирхысит акәылӡтранспортиорқәа "Тигр-М" СБР-5, ЛПР-2 рыла.

Ҷыдала азхьаԥшра арҭон еиҭарго, ановигациатә система "Глонасс" ала еиқәыршәоу акомплекс "Стрелец" ахархәара.

Аҽазыҟаҵарақәа мҩаԥысуан ашьхараҿ, абнара аҭыԥқәа рҟны. Мчыбжьык иалагӡаны азыҟаҵарақәа мҩаԥыргон. Арратә зыҟаҵарақәа рымҩаԥгара хықәкыс иаман абџьари атехникеи еиуеиԥшым аҭагылазаашьақәа рҿы ахрархәара.

Иара убас шәаԥхьар ҟалоит:

Ажәабжьқәа зегьы
0