08:23 20 Жәабран 2020
Ишиашоу ицо аефир
  • USD63.69
  • EUR68.78
Аԥсны
Икьаҿу ахьарԥш аиура
Аԥсны ахада иалхрақәа -2020 (43)
147 0 0

Ахада ихаҭыԥуаҩ имаҵурахьы кандидатс Адгәыр Арӡынба икомандаҟынтәи далхуп Аԥсуаҭҵааратә институт аиҳабы Арда Ашәба.

АҞӘА, жәабран 11 - Sputnik. Д.И. Гәлиа ихьӡ зху Аԥсуаҭҵааратә инстиут аиҳабы, афилологиатә ҭҵаарадыррақәа ркандидат Арда Ашәба Аԥсны ахада ихаҭыԥуаҩ имаҵурахьы кандидатс дықәдыргылеит ахадарахьы акандидат Адгәыр Арӡынба икомандаҟынтәи.

Адгәыр Арӡынба ахадарахьы кандидатс дықәзыргыло аԥшьгаратә гәыԥ Алхратә комиссиа хадаҿы аҽҭанаҩит жәабран 6 рзы. Жәабран 11 рзы агәыԥ АКХ ахь инанагеит иаҭахыз адокументқәеи анапынҵамҭақәа зныз абӷьыцқәеи.

Арда Ашәба диит 1971 шықәсазы Очамчыра араион Ӷәада ақыҭан. 1996 шықәсазы далгеит Аԥснытәи аҳәынҭқарратә университет афилологиатә факультет, 2002 шықәсазы Адыгеиатәи аҳәынҭқарратә университет аспирантура хиркәшеит афилологиатә ҭҵаарадыррақәа ркандидат ҳәа аҭҵаарадырратә хьӡы иманы.

2003-2004 шш. рзы Арда Ашәба Аԥсуа бызшәа аҳәынҭқарратә фонд напхгара аиҭон. 2005-2011 шш. рзы Аԥсуаҭҵааратә институт афольклортә лабораториа аиҳабыс дыҟан. 2011 шықәсазы далырхит аинститут адиректор ихаҭыԥуаҩыс.

2011-2012 шш. рзы Аԥсны Аҵара аминистрс дыҟан. 2015-2017 шш. рзы ААУ афилологиатә факультет адеканс дыҟан. 2017 шықәса инаркны иахьа уажәраанӡа Д.И. Гәлиа ихьӡ зху Аԥсуаҭҵааратә институт адиректорс дыҟоуп.

Ажьырныҳәа 24 рзы Аԥсны Алхратә комиссиа хадаҿы аҽҭанаҩит аполитикатә партиа "Акзаара" Леонид Ӡаԥшьба ахадарахьы кандидатс иқәыргыларазы. Ажьырныҳәа 28 рзы АКХ аҟны аҽҭанаҩит Аслан Бжьаниа ахадарахьы кандидатс иқәыргыларазы аԥшьгаратә гәыԥ. Жәабран 1 азы Кан Кәарҷиа ахадарахьы кандидатс иқәыргыларазы аԥшьгаратә гәыԥ АКХ аҟны иҭарҩит.

Жәабран 11 рзы апартиа "Акзаара" аизара ду аҟны ахадарахьы кандидатс дшықәдыргыло рҳәеит Леонид Ӡаԥшьба, уи ихаҭыԥуаҩыс Виктор Ҳашба.

Убри аҽныҵәҟьа Кан Кәарҷиа ахадарахьы кандидатс ихы шықәимыргыло рылеиҳәеит, иагьиҳәеит акандидатцәа аӡәгьы дышрыдымгыло.

Аԥсны ахадарахьы акандидатцәа рықәыргыларазы аԥшьгаратә гәыԥқәеи апартиақәеи рҭаҩра иалагеит ажьырныҳәа 22 рзы, иагьхыркәшахеит иахьа, жәабран 11 рзы.

Иара убас шәаԥхьар ҟалоит:

Атемақәа:
Аԥсны ахада иалхрақәа -2020 (43)

Ихадоу атемақәа