АҞӘА, хәажәкыра 20 – Sputnik. Аԥсны иҟоу Урыстәыла Ацҳаражәҳәарҭа Аԥсны ауааԥсыра Урыстәылаҟа рцара аамҭала иԥыркырц рабжьнагоит, ареспублика аҩнуҵҟахь COVID-19 алагалара алмыршаразы. Абри атәы Sputnik иазеиҭарҳәеит Ацҳаражәҳәарҭаҿы.
"Акоронавирус амҽхак ахьарҭбаауа инамаданы, Урыстәыла аҩнуҵҟа зехьынџьара аҳәаанырцәуааи атәымтәылантә иаауа Урыстәыла атәылауааи, Аԥсны ауааԥсырагьы абрахь иналаҵаны, рзы иазԥхьагәаҭоуп акарантинтә уснагӡатәқәа", - рҳәеит Ацҳаражәҳәарҭаҿ.
Иазгәарҭеит инарҭбааны акоронавирустә инфекциазы аинформациа аиура шалшо асаит СТОПКОРОНАВИРУС.РФ аҿы (аҭел: 8-800-200-01-12), иара убасгьы Роспотребнадзор асаит аҟны (аҭел: 8-800-555-49-43).
Уаанӡа Урыстәыла асанитартә ҳақьым хада Анна Попова арегионалтә мчрақәа рнапы ианылҵеит аҳәаанырцәынтә атәыла иалало зегьы акарантин иаҵадыркырц.
Иара убас шәаԥхьар ҟалоит:
-
Акоронавирус ашьақәыргыларазы атест-системақәа Аԥсныҟа иааргеит
-
Аепидемиологцәа алацәажәеит алхрақәа раан авирус аҽацәыхьчара шалыршатәу
