Агәабзиарахьчара аминистрра иаанахәо арыцкьагақәа рыхәԥса анаплакыҩцәа иршәоит

CC0 / / Девушка с антисептиком в руках
Девушка с антисептиком в руках  - Sputnik Аҧсны
Анапаҵаҩра
Аԥхьаӡамҭа ҷыда аартуп Аԥсны Агәабзиарахьчареи асоциалтә еиқәыршәареи рминистрразы. Еизгоу аԥарақәа Аусбарҭабжьаратә штаб аӡбрала акоронавирус аҿагыларазы иаҭаххо аусмҩаԥгатәқәа рахь идырхоит.

АҞӘА, хәажәкыра 30– Sputnik, Бадри Есиава. Аԥсны Агәабзиарахьчареи асоциалтә еиқәыршәареи рминистрра иаанахәараны иҟоу адизинфекциатә хархәагақәа рыхәԥса хәажәкыра 31 рзы ишәахоит ареспублика анаплакыҩцәа еизыргаз аԥарақәа рҟынтәи ҳәа Sputnik акорреспондент изеиҭеиҳәеит Аусбарҭабжьаратә оперативтә штаб ахаҭарнак Борис Барцыц.

Банкноты номиналом 1000, 2000 и 5000 рублей. - Sputnik Аҧсны
Аԥсны абизнесуаа акоронавирус аҿагыларазы 12 миллион мааҭ еизыргеит

Иара иҳәеит хәажәкыра 30 рзы 15 миллиони 950 нызқьмааҭ шеизыргахьо. Арҭ аԥарақәа Аԥсны Агәабзиарахьчареи асоциалтә еиқәыршәареи рминистрра аԥхьаӡамҭа ҷыдахь инашьҭуп.

"Макьаназ аԥхьаӡамҭахь аԥара назышьҭхьо аиҿкаарақәа ааба роуп. Ҳара иаҳуалуп аԥарақәа ишахәҭоу еиԥш рхархәара. Абри аан Аиҳабырабжьаратә штаб азыҳәақәа ҳрықәныҟәоит. Уаҵәы 850 000 мааҭ ахшәаахоит адезинфекциатә хархәага апартиа, Аԥсны АҶА аҳәааҿи ауаа рацәа ахьеизало аҭыԥқәа рҿи адезинфекциа мҩаԥыргаларц", - ҳәа азгәеиҭеит Барцыц.

Хәажәкыра 26 рзы анаплакыҩцәа Валери Бганба иԥылеит, иалацәажәеит Аԥсны акоронавирустә инфекциа COVID-2019 аҿагылара азҵаарақәа.

Аиԥылара алахәылацәа азааит русураҿы Агәабзиарахьчара аминистрреи дареи реинырра шхымԥадатәиу.

Абри ашьҭахь анаплакыҩцәа раԥшьгаратә гәыԥ иаԥырҵеит аԥарақәа риагашьа аилкаара ахьалшо аплатформа "Ҳара ҳаидгылоуп".

Иара убас шәаԥхьар ҟалоит:

Ажәабжьқәа зегьы
0