АҞӘА, хәажәкыра 30 - Sputnik. Ауаажәларратә еидгыла "Аԥсны иҟоу аурысцәа руаԥшь" акоронавирус аҿагыларазы ацхыраара аҟаҵара иалагоит ҳәа Sputnik иазеиҭеиҳәеит аиҿкаара ахантәаҩы Роман Риазанцев.
"Ҳара ҳәарада агәҭынчымра ҳамоуп, ҳаидгыла алшарақәа зегьы азеиԥш шәарҭара иазҳархоит. Раԥхьа иргыланы аинформациатәқәа – Урыстәыла еиуеиԥшым аиҿкаарақәа рахь ацхыраразы азыҳәақәа наҳашьҭлоит", - иҳәеит иара.
Роман Риазанцев иазгәеиҭеит аиҿкаара Урыстәыла атәылауаа, абизнесуаа, агәыҳалалратә фондқәа рахь ареспублика адгылара арҭаразы ааԥхьара шыҟанаҵо.
Еизгахо аԥарақәа акоронавирус аламырҵәаразы ауснагӡатәқәа ирзырхахоит, ахәҭак аџьынџьуаа рсоциалтә цхыраара иазырхахоит.
Иара убас шәаԥхьар ҟалоит:
-
COVID-19 аҿагыларазы: Москватәи аԥсуа диаспора ацхыраара ҟарҵоит
-
Афонд "Кьараз" зматериалтә лшара лаҟәу рзы зыда ԥсыхәа ыҟам атауарқәа еиднакылалоит
