АҞӘА, хәажәкыра 31 - Sputnik. Агәабзиарахьчареи асоциалтә еиқәыршәареи рминистрразы иаахәоуп ахәшәқәа раԥхьатәи рпартиа. Абри атәы аанацҳауеит Москватәи аԥсуа диаспора асаит.
Москватәи аԥсуа диаспора аԥхьаӡамҭахь иахырыԥхьаӡалахьеит 5 миллионки 498 нызқьмааҭ. Урҭ рҟынтәи хә-миллионк алеигалеит адиаспора ахантәаҩы Беслан Агрба.
"Иаахәоуп амедицинатә хархәагақәа (арециркулиаторқәа, апульсоксиометрқәа, ареспиратортә сабрадақәа, арыԥҳақәа аҳауарҭарсга аппаратқәа 2) 520 нызқьмааҭ рыхә", - аҳәоит адырраҭараҿы.
Уи адагьы иазгәаҭоуп аҿаҵа шыҟаҵоу асабрадақәа, акомбинезонқәа, ахьчаратә бласаркьақәа, атермометрқәа, ареспиратортә сабрадақәа, аекспресс-тестқәа раахәаразы.
"Ари актәи апартиоуп. Асиа акыр еиҳауп. Асиаз Аԥсны агәабзиарахьчара аминистрреи ҳареи ҳаилацәажәаны ҳақәныҟәоит. Аминистрра аԥхьаӡамҭахь алагалақәа рыҟаҵара илшоит дарбанызаалак", - ҳәа азгәаҭоуп адиаспора рсаит аҿы.
Аԥарақәа рахыԥхьаӡара ахьалшо ареквизитқәа хара имгакәа икьыԥхьхоит.
Иара убас шәаԥхьар ҟалоит:
- Москвеи Ҭырқәтәылеи иҟоу аԥсуа диаспора ирыҳәоит ахәшәқәа раахәараҿы ицхыраарц
-
Агәабзиарахьчара аминистрра иаанахәо арыцкьагақәа рыхәԥса анаплакыҩцәа иршәоит
