02:50 03 Рашәара 2020
Ишиашоу ицо аефир
  • USD68.98
  • EUR76.78
Аԥсны
Икьаҿу ахьарԥш аиура
Аџьынџьтәылатә еибашьра ду аҟны Аиааира 75 шықәса ахыҵра (62)
19 0 0

Агәалашәаратә акциа мҩаԥган Аџьынџьтәылатә еибашьра Ду иалахәыз апоет, апрозаик Ҷыҷыкәа Џьонуа ихьӡ зху абжьаратә школ №13 ашҭаҿы.

АҞӘА, мшаԥы 10 - Sputnik. Аџьынџьтәылатә еибашьра Ду аан иҭахаз ргәалашәаразы аҵлақәа реиҭаҳара акциа мҩаԥысит жәларбжьаратәи акциа "Агәалашәара абаҳча" аҳәаақәа ирҭагӡаны мшаԥы 9 рзы, Аџьынџьтәылатә еибашьра Ду алахәыла, апоет, апрозаик Ҷыҷыкәа Џьонуа ихьӡ зху абжьаратә школ №13 ашҭаҿы.

Ауснагӡатә иалахәын "Аиааира аволонтиорцәа", Аԥсны иҟоу Россотрудничество ахаҭарнакцәа, урыстәылатәи аџьынџьуаа риеҿкаара, Аԥсны иҟоу Урыстәыла Ацҳаражәҳәарҭа абжьгаҩ Максим Литвинов.

Зынӡа еиҭаҳан 20 ҵла: аԥсаӡқәа, ашәқәа, аҳақәа, аҵәақәа.

"Аԥсны Аибашьра ду рхадыршҭуам. Россотрудничество аусуцәа еснагь ҳрымадоуп, аҿар рыцхыраарала, аурыс уаажәларратә еиҿкаарақәа ралахәрала ҳара иҳалҳаршоит аибашьра ахамыршҭразы имаҷымкәа акциақәа рымҩаԥгара", - ҳәа иҳәоит аволонтиортә еиҿкаара "Аиааира аволонтиорцәа" Аԥсны ахаҭарнак, акциа акоординатор Ервин Михин.

Акциа иалахәыз ауаа маҷын ареспубликаҿы иалагалоу аҭагылазаашьа ҷыда инамаданы. Алахәылацәа зегьы асабардақәа рҿан. Хҩык-хҩык рыла ишьақәыргылан агәыԥқәа.

Ахәаша, мшаԥы 10 рзы аҽа 20 ҵла еиҭарҳараны иҟоуп Агәӡератәи ашкол ашҭаҿы.

Акциа рхы аладырхәыр ҟалоит изҭаху зегьы асоциалтә ҳақәа рҿы хештег #СадПамятиДома. адкыларала.

Акциа аиҿкааҩцәа: Урыстәылазегьтәи аволонтиортә еиҿкаара "Аиааира аволонтиорцәа", Аиааира аполководеццәа ргәалашәара Афонд, адгылара ауеит: апрезиденттә грантқәа Рфонд.

Аџьынџьтәылатә еибашьра Ду иалахәын 55 000-ҩык Аԥсны ауааԥсыра.

17,5 нызқьҩык рыԥсадгьыл ду рхы ақәырҵеит. 

Иара убас шәаԥхьар ҟалоит:

Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (62)

Ихадоу атемақәа