АҞӘА, мшаԥы 14 - Sputnik. Акоронавирус аҽацәыхьчаразы Аоперативтә штаб ацхыраара ҟазҵо аволонтиорцәеи аиҿкаарақәеи рахь ааԥхьара ҟарҵеит абри азҵаараҿы иаӡәыкны ацхыраара аҟаҵара иалагарц.
"Аусура еиқәыршәаны, еиҿкаарыла амҩаԥгаразы ишахәҭоу еиԥш, аӡә аганахь давамхартә аусура мҩаԥгалатәуп", - иҳәеит Агәабзиарахьчара аминистрра азинтә усбарҭа аиҳабы Ромео Черқьезиа.
Черқьезиа иазгәеиҭеит аҭагылазаашьа ҷыда арежим аҟазаараан ишеиҿкааз есаамҭа ихадырҭәаауа абаза – ацхыраара зҭаху игмыжькәа амҩаԥгаразы.
Черқьезиа иҭабуп ҳәа реиҳәеит ауаажәларратә еиҿкааарқәа, агәыҳалалратә фондқәа, ахаԥшьгаратә гәыԥқәа, ауааԥсыра аԥхьатәи амшқәа инадыркны зылшара ԥкуи, абыргцәеи, ахымхәацәеи, ахәыҷырацәа змоу аҭаацәарақәеи хәшәылеи фатәы-жәтәылеи иахьрыцхраауа азы.
Акоординациатә усқәа рзы аҭел асра алшоит абри аномер ала: +7(940)707-77-76.
Иара убас шәаԥхьар ҟалоит:
- Аԥснытәи аволонтиорцәа абыргцәа ахәшәқәа рызнаргалоит
