Аслан Бжьаниа Аԥсны аминистрцәа реилазаара аструктура шьақәирӷәӷәеит

© Sputnik / Томас Тхайцук Кабмина Абхазии
 Кабмина Абхазии - Sputnik Аҧсны
Анапаҵаҩра
Аԥсны ахада Аслан Бжьаниа иусдҵа инақәыршәаны Аԥсны 14 министрра ҟалоит 12 рҭыԥан, Аҳәынҭеилакқәа ааба, Аҳәынҭусбарҭақәа ааба ҟалоит.

АҞӘА, мшаԥы 28 - Sputnik. Аслан Бжьаниа Аминистрцәа реилазаара аструктура шьақәирӷәӷәеит ҳәа аанацҳауеит ахада иофициалтә саит.

Аԥсны ахада Аслан Бжьаниа иусдҵа инақәыршәаны Аԥсны 14 министрра ҟалоит 12 рҭыԥан.

Акурортқәеи атуризми рзы Аҳәынҭеилакы еиҭакуп Аԥсны атуризм азы аминистрра ҳәа, Ақыҭанхамҩаз Аҳәынҭеилакы еиҭакуп Ақыҭанхамҩаз аминистрра ҳәа.

Агәабзиарахьчареи асоциалтә еиқәыршәареи рминистрра еиҩшоуп Агәабзиарахьчара аминистрреи Асоциалтә еиқәыршәареи адемографиатә политикеи рминистрра ҳәа.

Кабинет министров республики Абхазия  - Sputnik Аҧсны
Ареформақәеи аркьаҿрақәеи: Аԥсны Аминистрцәа реилазаара аҽеиҭакшьа

Еиҭакуп иара убасгьы Адемографиеи арепатриациеи рминистрра. Уажәшьҭарнахыс иара Аԥсны арепатриациаз Аҳәынҭқарратә еилакы ҳәа ишьақәырӷәӷәоуп.

Аԥсны Аҵара аминистрреи аҳәынҭқарратә бызшәатә политиказы Аҳәынҭқарратә еилаки реилаларыла еиҿкаауп Аԥсны аҵареи абызшәатә политикеи рзы аминистрра ҳәа.

Аекологиеи аԥсабара ахьчареи рзы Аҳәынҭқарратә усбарҭа Аекологиаз Аҳәынҭеилакы акәхоит. Аенергетикеи, атранспорти, аимадареи рзы аусбарҭа еиҭакуп аимадареи, амассатә коммуникациааақәеи, ацифратә ҿиареи рзы Аҳәынҭқарратә еилакы ҳәа.

Иара убас еиҭакуп аусбарҭақәа рыхьыӡқәа:

  • Архитектуреи, ақалақь ргылареи, анхарҭа-коммуналтә нхамҩеи рзы аусбарҭа – аргылареи анхарҭа-коммуналтә нхамҩеи рзы Аҳәынҭқарратә усбарҭа.
  • Аргылараз аҳәынҭусбарҭа – Аԥсны акапиталтә ргылараз Аусбарҭа.

Ахада иусдҵаҿы иаҳәоит еиҭаркуа ацентртә органқәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

Ажәабжьқәа зегьы
0