19:24 29 Лаҵара 2020
Ишиашоу ицо аефир
  • USD70.75
  • EUR78.55
Аԥсны
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (462)
44 0 0

Акоронавирустә инфекциа апандемиа иахырҟьаны Урыстәыла аҳәаақәа атуристцәа рахысразы иаркуп.

АҞӘА, лаҵара 15 – Sputnik. Урыстәыла атуриндустриазы аҭагылазаашьақәа шыҟало иаҿырԥшны Аԥсны атуристцәа рашәарамза ахыркәшамҭазы ирыдыркылар алшоит ҳәа азгәеиҭеит арадио Sputnik аинтервиу азҭаз "Аԥсны аотелиерцәа ргильдиа" ахантәаҩы Асҭамыр Ахба.

"Иҟоу иҳаҳауала уақәгәыӷыртә иҟоуп рашәарамза анҵәамҭазы атуристцәа ҳадаҳкылартә иҟалап ҳәа. Ишҳаҳауа ала, Шәача рашәарамза агәазы атуристцәа рыԥсы ршьар ҟалоит. Роспотребнадзор еиуеиԥшым ауснагӡатәқәа ҭнаҵаауеит. Иуадаҩхар алшоит иахәҭаны иԥхьаӡоу зегь рықәныҟәара, аха Аԥсны иҟоуп аобиектқәа усеиԥш зылшо", - иҳәеит иара.

Ахба иазгәеиҭеит зегь зхьыԥшхо Урыстәыла иҟало аҭагылазаашьа шакәу, Шәачанӡа алогистика шеиҿкаахо шакәу.

Урыстәыла аҩныҵҟа анеиҭаҵ-ааиҭаҵра аԥкырақәа аԥыхны аҳәаа аартхар, Аԥсныҟа иаалар рылшоит автотуристцәа иҳәоит иара. "Аԥсны аотелиерцәа ргильдиа" ахантәаҩы Асҭамыр Ахба агәрагара имоуп акурортә сезон шыҟало, ашәарҭадаратә усхкқәа рықәныҟәареи атуристцәа рфинанстә ҭагылазаашьеи ирыдҳәалоу ауадаҩрақәа аҭыԥ роур шауагьы.

"Атуристцәа дәықәларгьы, "ахҷаҭ ахыхра" атәы уҳәартә иҟалом. Иҟоу аҿаҵақәа еиқәырхатәуп, иаар зҭаху рзы иахәҭоу аҭагылазаашьақәа аԥҵатәуп", - ҳәа иҳәоит Ахба.

Иара убасгьы иазгәеиҭеит Ԥсоутәи аҳәаа аартра азҵаарагьы хара имгакәа ишыӡбахо. Ари азҵаара даара ишәаны икапанны иазнеитәуп ҳәа иҳәоит иара.

Зегь маншәалахар иазыԥхьагәаҭоу рҟынтәи 70% атуристцәа рыдкылара алыршахоит.

Азыԥхьагәаҭарақәа рыҟаҵара макьаназ изаауп, аха аҵыхәтәантәи ахышықәса рзы цәыббра жьҭаара амзақәа рырбагақәа даара ишьахәын. Ари акыр иацхрааит ареспубликаҿы ахәыԥсақәа ахьыладырҟәуаз.

Ахба иазгәеиҭеит аԥхынтәи аиҵахара ҭагалантәи аамҭа иханарҭәааргьы шалшо.

Иара убас шәаԥхьар ҟалоит:

Атемақәа:
Ачымазара ҿкы – акоронавирус Аԥсни адунеи аҿи: иалкаау (462)

Ихадоу атемақәа