АҞӘА, рашәара 11 – Sputnik. Аԥсны Адәныҟатәи аусқәа рминистр Даур Ақаҩба ауааԥсыра акоронавирус рацәыхьчаразы акоординациатә штаб аилатәараҿы иҳәеит 105-ҩык атәылауаа азин шрыҭоу рмедицинатә ҭагылазаашьа ала изныкымкәа аҳәаа иахысларц.
"Арҭ рыбжьара иҟоуп мчыбжьык аҩныҵҟа хынтә агемодиализ апроцедура ҟазҵо, акьыбачымазара змоу. Асиақәа иахьаҵәҟьа Аҳәынҭқарратә шәарҭадаратә маҵзурахьы инаҳашьҭуеит", - иҳәеит иара.
Уаанӡатәи адыррала Урыстәыла аԥыза-министр Михаил Мишустин рашәара 8 рзы аусдҵа инапы аҵаиҩит Урыстәыла алалареи алҵреи рырԥсыҽразы.
Агәабзиарахьчара аминистрра адыррақәа рыла, акарантин аамҭазы Аԥсныҟа иааган еиуеиԥшым ахәшәқәеи ахархәагақәеи 67 миллиони 353 нызқьи 772 мааҭ рыхә.
Иара убас шәаԥхьар ҟалоит:
- Александр Анқәаб: Аԥсни Урыстәылеи рҳәаа макьана иаркызароуп
-
Агәабзиарахьчара аминистрра: 700-ҩык акьыба змоу ҳтәылауаа атерапиа иазыԥшуп
