АҞӘА, рашәара 19-Sputnik. Атәыла ахада Аслан Бжьаниа инапы аҵаиҩит аусԥҟа аԥыза-министр актәи ихаҭыԥуаҩ Беслан Џьапуа Аԥсны ақыҭанхамҩа аминистр иҟаҵаразы.
"Аԥсны аԥыза-министр актәи ихаҭыԥуаҩ Беслан Цыба-иԥа Џьапуа Аԥсны ақыҭанхамҩа аминистр дҟаҵазааит", - аҳәоит Атәыла ахада иусԥҟаҿы.
Беслан Џьапуа диит 1962 шықәсазы. Далгеит Аҟәатәи ақыҭанхамҩатә факультет (ГИСХ). 1992-1993 шықәсқәа рзы далахәын Аԥсны Жәлар рџьынџьтәылатә еибашьра.
1993 шықәса инаркны аус иуан Очамчыратәи ачаифабрикаҿы нџьнырс.
2007 шықәсазы Жәлар Реизара Апарламент адепутатс далырхит.
2011-2014 шықәсқәа рзы Аԥсны ақыҭанхамҩа аминистрс дыҟан.
Иара убас шәаԥхьар ҟалоит:
- Аԥсны ақыҭанхамҩа аҿиара: Беслан Џьапуа Sputnik иаиҭаз раԥхьатәи иинтервиу
