АҞӘА, ԥхынгәы 14 - Sputnik. Гәдоуҭатәи ахәышәтәырҭаҟны ишьҭаз, акоронавирус зцәа иалаз акурсантцәа ҩыџьа ргәы бзиаханы рыҩныҟа иоушьҭуп аҩаша, ԥхынгәы 14 рзы ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.
Аҵыхәтәантәи уахыки-ҽнаки рыла ачымазара амазааразы агәаҭара иахысит 50-ҩык. Урҭ рахьтә аӡәгьы акоронавирус идбаламызт.
Иахьазы Аԥсны зынӡа акоронавиурс рыдырбалахьеит 38-ҩык. 37-ҩык ргәы бзиахеит, аӡәы лыԥсҭазаара далҵит.
Акоронавирус иазку ажәабжьқәа зегьы шәрыԥхьар ҟалоит абра>>
