05:17 29 Жьҭаара 2020
Ишиашоу ицо аефир
  • USD77.55
  • EUR91.26
Аԥсны
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (812)
33 0 0

Акоронавирус аҽацәыхьчаразы Урыстәылатәи аштаб изаамҭанытәиу аилатәараҟны иӡбан 2020 шықәса, нанҳәа 1 инаркны Урыстәылеи Аԥсни рҳәаа аартызарц.

АҞӘА, нанҳәа 1 - Sputnik. Аԥсны ахада Аслан Бжьаниа Москва иусуратә еиҿцәажәарақәа ирыциҵоит, аха аҳәаа аартра азҵаара уажәнатә иӡбоуп ҳәа адырра ҟарҵеит ахада ипресс-маҵзураҿы.

"Аиҿцәажәарақәа рылҵшәа хада ҳауит – аԥсуа-аурыс ҳәаа аартра азҵаара ӡбоуп. Ишдыру еиԥш, Роспотребнадзори Урыстәыла Агәабзиарахьчара аминистрреи Аԥсны аепидемиологиатә ҭагылазаашьа иарҭаз ахәшьара бзиан, убри шьаҭас иазыҟалеит аҳәаа аартра азҵаара аӡбарагьы. Аха аҳәаа ахысра акәамаҵамақәеи амеханизмқәеи макьана рылацәажәара мҩаԥысуеит. Аҳәаа ахысра иадҳәалоу иконкреттәу аԥҟарақәа рыӡбахә ҳәахоит Аԥсни Урыстәылеи реиҳабырақәа русуратә еилацәажәарақәа анхыркәшахалак ашьҭахь", - ҳәа аҳәамҭа ҟаҵан апресс-маҵзураҿы.

Уажәаԥхьа адырра ҟалеит Урыстәыла Аԥсни иареи рҳәаа шаанартуа нанҳәа 1 инарнкы.

Аԥсны ахада Аслан Бжьаниа аҵыхәтәантәи иқәҵара инақәыршәаны, аԥсуа-аурыс ҳәаа ахысра иацу аԥкрақәа нанҳәа 4-нӡа рыҿҳәара иацҵан.

Атемақәа:
Ачымазара ҿкы – акоронавирус Аԥсни адунеи аҿи: иалкаау (812)

Ихадоу атемақәа