АҞӘА, нанҳәа 2 – Sputnik, Сариа Кәарцхьиаԥҳа. Нанҳәа 2 асааҭ 08:00 рызтәи аамҭазынӡа аԥсуа-аурыс ҳәаа аартра ашьҭахь Аԥсныҟа иааит хә-нызқьҩык инареиҳаны ауааԥсыра, абри атәы Sputnik акорреспондент илзеиҭалҳәеит Шәачатәи аҳазалхра апресс-маӡаныҟәгаҩ Марина Жупанова.
Аԥснынтәи Урыстәылаҟа ицеит ҩ-нызқьи бжаки раҟара ауааԥсыра.
Аурыс-аԥсуа ҳәаа иахысит ҩ-нызқь раҟара автотранспорттә хархәагақәа. Урҭ рахьтә Урыстәылантәи Аԥсныҟа иааит 1243 машьына, Аԥснынтәи Урыстәылаҟа – 664.
Шәачатәи аҳазалхырҭаҿы иара убас иазгәарҭеит нанҳәа 2 инаркны Аԥсныҟа аекскурсиатә автобусқәа шдәықәло.
Акоронавирус иахҟьаны иалагалаз акарантин иахҟьаны ԥшьымз раахыс иаркыз Аԥсни Урыстәылеи рҳәаа шаартхо еилкаахеит нанҳәа 31 ауха, уи атәы аанацҳаит Акоронавирус аҿагыларазы Урыстәыла аоперативтә штаб.
Нанҳәа 1 азы Урыстәыла аԥыза-министр Михаил Мишустин аусԥҟа инапы аҵаиҩит аурыс-аԥсуа ҳәаа нанҳәа 1 инаркны аартразы.
Аурыс-аԥсуа ҳәааҿы аԥкрақәа зегьы раԥыхразы аусԥҟа инапы аҵаиҩит Аԥсны ахада Аслан Бжьаниагьы.
Иара убас шәаԥхьар ҟалоит:
-
Агәабзиарахьчара аминистр иҳәеит COVID-19 здырбало атуристцәа шырхәышәтәло
-
Аԥсны Аҳәынҭқарра аганахьалагьы аԥсуа-аурыс ҳәаа аартуп
