23:31 22 Цәыббра 2020
Ишиашоу ицо аефир
  • USD76.27
  • EUR89.48
Аԥсны
Икьаҿу ахьарԥш аиура
14 0 0

Аиндаҭлара афиналтә реитинг шьақәгылоит акомиссиа рхыркәшаратә реитинги онлаин-бжьыҭира алҵшәақәеи рыла.

АҞӘА, нанҳәа 13 - Sputnik. Анапхгаҩцәа қәыԥшцәа реиндаҭлара "Аԥсны агәадура" аҩбатәи аетап хыркәшахеит. Иара аихшьаалақәа рыла афинал ахь инеиит 25-ҩык. Абри атәы аанацҳауеит ауснагӡатә асаит.

Афиналбжа мҩаԥысит нанҳәа 11 - 12 рзы Аԥснытәи аҳәынҭқарратә университет аҿы.

Афиналбжа алахәылацәа 50-ҩык атестқәеи аҿцәажәарақәеи ирхыжьын. Атест азы абалли аҿцәажәаразтәи абжьаратә хәшьареи ҵаҵӷәыс иҟаҵаны еиҿкаан аҩбатәи ареитинг.

Афиналистцәа Аԥсны ахада икадртә резерв иалахәылахоит аиндаҭлара анынҵәалак ашьҭахь. Иара убасгьы дара рзы иазыԥхьагәаҭоуп Урыстәылатәи афедерациаҿы астажировкақәа, рдырра аизырҳаразы апрограммақәа.

"Афиналистцәа акомандатә хәмаррақәа ирлахәылацәахоит, ртемақәа рыла ицәырыргоит апроблемақәа рыӡыбразы рхатә жәалагалақәа. Аиндаҭларатә комиссиа алахәылацәа рыбжьаратә хәшьарала еиҿкаахоит еиҭарҿыцу ареитинг", - ҳәа аҳәоит асаит адырраҭараҿы.

Финалисты конкурса "Гордость Абхазии"

Афиналтә ԥышәарақәа  рхыркәшамҭазы аиндаҭлара аофициалтә саит аҿы имҩаԥгахоит онлаин-бжьыҭира. Аконкурсант ифиналтә реитинг еиҿкаахоит аиндаҭларатә комиссиа аихшьаларатә реитинг 70% онлаин-бжьыҭира ареитинг 30% алеи.

Аихшьааларатә реитинг ашьаҭала иалкаахоит хәҩык аиндаҭлаҩцәа. Урҭ Аԥсны ахада иусдҵала Аԥсны Аҳәынҭқарра аҳәынҭқарратә аппарат аҿы амаҵзурақәа ааныркылараны иҟоуп.

Аиндаҭлара афинал мҩаԥысраны иҟоуп нанҳәамзазы, Аԥснытәи аҳәынҭқарратә университет аҿы.

Иара убас шәаԥхьар ҟалоит:

Ихадоу атемақәа