16:10 21 Цәыббра 2020
Ишиашоу ицо аефир
  • USD76.04
  • EUR90.01
Аԥсны
Икьаҿу ахьарԥш аиура
11 0 0

Аконцерт апрограммаҿы иҟалоит аԥсуеи аурыси поетцәа рырҿиамҭақәа, аклассикатә мотивқәа, абзиабаратә лирика.

АҞӘА, нанҳәа 17 – Sputnik, Асмаҭ Ҵәыџьԥҳа. Чаиковски ихьӡ зху Москватәи аҳәынҭқарратә консерваториа аҵаҩи Аԥсуа драматә театр актиорцәеи алархәны нанҳәа 25 рзы атеатр аҿы аконцерт мҩаԥгахоит ҳәа Sputnik иазеиҭарҳәеит Акультура аминистрра апресс-маҵзураҿы.

"Ари ахшыҩҵак зызцәырҵыз Аԥсуа драматә театр ауп. Аклассикатә музыкеи апоезиеи рконцерт амҩаԥгара сыдыргалеит. Ерик Сати, Шопен, Бах, Шуберт, Марчелло, убас егьырҭ акомпозиторцәагьы рырҿиамҭақәа асырҳәоит. Зымҽхак ҭбаау, иԥшӡоу ахәылԥаз ҟалоит сгәахәуеит. Аклассикцәа рырҿиамҭақәа рыдагьы, иахьатәи ҳаамҭазтәи амузыкагьы абжьы галоит", - иҳәеит Кәыџба.

Аԥсуа драматә театр апресс-маҵзура адырраҭарала, аконцерт апрограммаҿ иҟалоит аԥсуеи аурыси поетцәа рырҿиамҭақәа, аклассикатә мотивқәа, абзиабаратә лирика. Ажәеинраалақәа ирыԥхьоит атеатр актиорцәа – Гәдиса Ҭодуа, Лана Џьапуаԥҳа, Кьасоу Ҳагба. Апрограмма асааҭ 19:00 рзы иалагоит, сааҭки ҩажәа минуҭи ицоит.

"Аԥсуа драматә театр атруппа нанҳәамзазы аԥсшьара рымоуп азы иҳаӡбеит абри аҩыза ауснагӡатә ԥшӡа аиҿкаара", - ҳәа азгәарҭеит апресс-маҵзураҿы.

Барас Кәыџба – Пицундатәи амузыкатә школи Аҟәатәи амузыкатә ҵараиурҭеи дроушьҭымҭоуп. П.И. Чаиковски ихьӡ зху Москватәи аҳәынҭқарратә консерваториаҿ аҵара иҵоит. Барас XIX ашәышықәсазы зыԥсадгьыл ааныжьра зықәшәаз аԥсуаа дырхылҵшьҭроуп. Иара Анкара диит. 2008 шықәса рзы иҭаацәеи иареи рҭоурыхтә ԥсадгьыл ахь ихынҳәит.

2019 шықәса рзы Ахортә дирижиорцәа I Жәларбжьаратәи реиндаҭлараҟны актәи аҩаӡара адиплом ианашьахеит.

Иара убас шәаԥхьар ҟалоит:

Ихадоу атемақәа