12:08 25 Цәыббра 2020
Ишиашоу ицо аефир
  • USD77.18
  • EUR89.98
Аԥсны
Икьаҿу ахьарԥш аиура
22 0 0

Аԥсны Аҭагылазаашьа ҷыдақәа рминистрра Аҟәа, Воронов имҩа аҩны №7 аҩналарҭақәа ҩба рҟны арзҩыдаратә усурақәа мҩаԥыргеит.

АҞӘА, цәыббра 8 – Sputnik, Сариа Кәарцхьиаԥҳа. Аԥсны АҶА аусзуҩцәа Аҟәа, Воронов имҩа аҩны №7 аҩналарҭақәа ҩба рҟны арзҩыдаратә усурақәа мҩаԥыргеит ҳәа Sputnik акорреспондент илзеиҭеиҳәеит Аҟәа ақалақь амцарцәара-еиқәырхаратә гәыԥ аиҳабы Ҭемыр Кәыҵниа.

© Foto / МЧС РА
Аҟәатәи аҩнеихагылақәа руак арзҩыдара иахрыжьит

"Ҳара аминистрраҟынтә ашәҟәы ҳзаарышьҭит абри аҩны аҩналарҭақәа ҩба арзҩыдара рзыҟаҳҵарц. Иацы ҳадҵа наҳагӡеит. Актәи аихагыла инаркны ажәбатәи аихагылаҟынӡа, и ара убасгьы адәаҿы игылаз атәарҭақәагьы рырзҩыдара мҩаԥаагеит", - иҳәеит Кәыҵниа.

Ишьақәыргылам адыррақәа рыла ара инхо ԥшьҩык ауаа COVID-19 рыдбалан.

© Foto / МЧС РА
Аҟәатәи аҩнеихагылақәа руак арзҩыдара иахрыжьит

Аԥсны АҶА асаит аҿы иазгәаҭоуп арзҩыдара шрызуыз аихагылақәа жәбеи аҩны иаԥну аҵакыреи. Аусурақәа мҩаԥыргон хәҩык аусзуҩцәа.

Аматериал акьыԥхьраан Аҟәа ақалақь асанитартә ҳақьым аиҳабы Алла Белиаева аҭагылазаашьа ахҳәаа аҭара мап ацәылкит.

Ихадоу атемақәа