АҞӘА, цәыббра 18 – Sputnik. Даҽазныкгьы Аԥснынтә Урыстәылаҟа аҭаҭынаалыҵ контрабандала аиагара ԥыркит Краснодартәи атәылаҿыцә аҟны АШәМ Аҳәаахьчаратә усбарҭа аусзуҩцәеи Шәачатәи аҳазалхыҩцәеи ҳәа аанацҳауеит Краснодартәи атәылаҿацә аҟны АШәМ Аҳәаахьчаратә усбарҭа апресс-маҵзура.
"Аушьҭырҭатә ҭыԥ "Адлер" аҿы аҳәаахьчаратә гәаҭара ахысраан Аԥсны Аҳәынҭқарра атәылауаҩ иавтомашьынаҿ игәаҭан 1420 пачка асигареҭ. Атауар аҳәаахьчаҩцәеи аҳазалхыҩцәеи ирцәыҵәахын", - азгәаҭоуп аацҳамҭаҿы.
Абри аус аганахьала апроцессуалтә уснагӡатәқәа мҩаԥысуеит.
Аԥсни Урыстәылеи рҳәааҿы контрабандала асигареҭ ахыгара аҽазышәара еиҳа лассы-лассы иуԥыло еилагароуп. Убас, цәыббра 4 рзы шәачатәи аҳәаахьчаҩцәа иаԥдырҟәҟәааит Аԥснынтә Урыстәылаҟа 1100 пачка аҭаҭын аалыҵ ахыгара.
Ашықәс иаалагазар абри ахырхарҭала 500 ус административтә зинеилагара ҳәа ихацыркуп.
Иара убас шәаԥхьар ҟалоит:
- Шәачатәи аҳазалхыҩцәа 400 кьыла ацха Аԥснынтәи алгара аԥдырҟәҟәааит
-
Аԥснынтәи Урыстәылаҟа контрабандала ииаргоз аҭаҭын аалыҵ аанкылоуп
