Аоператә шәаҳәаҩы Саид Гобечиа иконцерт мҩаԥгахоит Вена

© Foto / предоставлено Саидом ГобечияСаид Гобечия
Саид Гобечия - Sputnik Аҧсны
Анапаҵаҩра
Саид Гобечиа – Гнесинаа рыхьӡ зху Урыстәыла амузыкатә Академиа доушьҭымҭоуп, Аԥсны имҩаԥысуа амузыкатә фестиваль "Grand Opera Gala" асахьаркыратә напхгаҩыс дыҟоуп.

АҞӘА, жьҭаара 15 – Sputnik, Асмаҭ Ҵәыџьԥҳа. Аԥснытәи аоператә шәаҳәаҩы Саид Гобечиа Вена, Аԥшьа Пиотр иуахәамаҿы жьҭаара 18 рзи абҵара 1 ази дықәгылараны дыҟоуп аконцерттә программақәа рҳәаа иҭагӡаны. Абри атәы Sputnik иазааицҳаит иара артист ихаҭа.

Жьҭаара 18 рзы ауахәамаҿы имҩаԥгахоит барокко амузыка аконцерт, абҵара 1 азы Гобечиа дықәгылоит ихатә программала: Рихард Вагнер "Матильда Везендонк лажәеинраалақәа ирылху хә-ашәак". Ашәаҳәаҩ инаигӡоит Бах, Гендель, Шуберт уҳәа аромантизм аепоха иатәу акомпозиторцәа рырҿиамҭақәа.

"Ари Вена раԥхьатәи солотә концертуп са сзы. Насыԥ сымоуп ҳәа сыԥхьаӡоит ари ақалақь иреиӷьу аҭыԥ аҿы аконцерт мҩаԥысраны иахьыҟоу. Даара сеигәырӷьоит еицырдыруа ауарӷанарҳәаҩ Татиана Шьчербеи сареи ҳахьеицықәгыло", - иҳәеит иара.

Аҟәа имҩаԥысуеит аконцерт GRAND OPERA GALA - Sputnik Аҧсны
Аҟәа имҩаԥысуеит аконцерт GRAND OPERA GALA

Артист ишиҳәо ала, арҭ аконцертқәа рышьҭахь Моцарт иопера "Фигаро ичара" аҟынтә Аграф ироль аҵара далагоит. Ари ароль ахь Гобечиа ааԥхьара ирҭеит венатәи атеатр Ан дер Вин аҟынтә. Аспектакль аԥхьарбара мҩаԥысуеит абҵара 22 рзы.

Саид Гобечиа – Гнесинаа рыхьӡ зху Урыстәыла амузыкатә Академиа доушьҭымҭоуп, Венатәи аконсерваториаҿ аҵара иҵоит. Аԥсны имҩаԥысуа амузыкатә фестиваль "Grand Opera Gala" асахьаркыратә напхгаҩыс дыҟоуп.

Иара убас шәаԥхьар ҟалоит:

Ажәабжьқәа зегьы
0