Изышьклахысыз Аҟәа инхо ауаҩԥсы ахәрақәа иманы Ареспубликатә хәышәтәырҭа хадахьы днагоуп.
АҞӘА, ԥхынҷкәын 14 - Sputnik. Турбаза араион аҿы аҭыԥ змаз ахысраан Аҟәа ауаҩԥсы ахәра иоуит ҳәа аанацҳауеит Аԥсны ААР апресс-маҵзура.
Ахҭыс азы Аҟәа аҩнуҵҟатәи аусқәа русбарҭа аҷаԥшьаратә хәҭахьы адырра ҟаҵан ԥхынҷкәын 14 асааҭ 10:20 рзы.
Аусҭҵаара-оперативтә гәыԥ ишьақәнаргылеит ахәра шабџьархымҭаз. Ааха зауз ихьӡ рҳәом. Иара ианишьклахыс, ишьапы ахәра аманы ахәышәтәырҭахь днагоуп.
Аҭыԥ аҿы аус руеит акриминалистцәа, ацәгьоуҩы иԥшаара иаҿуп.
Ажьырныҳәа 14-15 рзы COVID-19 рылоу ирыламу аилкааразы 491-ҩык атестқәа рзыҟаҵан, урҭ рахьтә 127-ҩык акоронавирус рцәа ишалаз аадырԥшит.
Омар Мерцхәылаа иӷьычра афакт инамаданы ахара рыдуп ҳәа ҩыџьа рганахьала ашьаус мҩаԥыргоит-Георги Зыхәбеи Нугзар Папааи. Аусеиларгыҩцәа ишьақәдырӷәӷәом даҽа хаҿқәак аӷьычреи иҿыхразы аԥара агареи иалахәын ҳәа.
Акоронавирус аҟынтәи ҩ-компонентк рыла еилоу алаҵа "Спутник V" хәышә доза аагоуп Аԥсны иҟоу Урыстәылатәи Аладатәи арратә базахь.
