АҞӘА, ԥхынҷкәын 15– Sputnik, Бадри Есиава. Ареспубликатә амашьынамҩаду Егры-Ԥсоу аҟны Аԥсны Аҳәынҭавтоинспекциа агәаҭаратә ҭыԥ "Холодная речка" ианеиҭашьақәдыргыла, техника ҿыцла ианеиқәдыршәа ашьҭахь аусура еиҭалагеит Аԥсныҟа аконтрабандатә аалыҵ алагалара алмыршаразы, абри атәы иҳәеит Аԥсны ААР аминистр ихаҭыԥуаҩ Беслан Ҷкадуа.
"Аԥсныҟа аконтрабандатә аалыҵ алагалара алмыршарази, амаинингтә хархәагақәа ралагалара аԥырҟәҟәаарази Гагра араион аҿы иаартуп аҳәынҭавтоинспекциа агәаҭаратә ҭыԥ "Холодная речка". Ара уахи-ҽни аҷаԥшьара мҩаԥыргоит Аԥсны ААРи Аԥсны АШәМеи русзуҩцәа", - иҳәеит иара.
2020 шықәса ԥхынҷкәын 8 рзтәи ақәҵараҿ Аԥсны аиҳабыра "Амшынеиқәафымцамч", Аекономика аминистрра, Аԥсны ААР, Аԥсны АШәМ рнапы ианнаҵеит акриптавалиута аиуразы афымцамч ахархәара аԥкыра ахылаԥшра арҭаларц.
Уаанӡатәи адыррала "Акриптовалиута аиуразы аусура аҭышәныртәалара ауснагӡатәқәа рзы" ҳәа Аԥсны аиҳабыра рықәҵара анагӡаразы Аԥсны ААР аекономикатә шәарҭадареи акоррупциа аҿагылареи рзы аусбарҭа аусзуҩцәа СОБР ацхырааралеи араионтә фымцанашьҭра аусбарҭақәа русзуҩцәа алархәны мчыбжьык аҩнуҵҟа 7000 ахархәага зыҩнагылаз маинингтә ферма русура ааныркылеит.
Иара убас шәаԥхьар ҟалоит:
