АҞӘА, ԥхынҷкәын 17 - Sputnik. Аԥсны ахада Аслан Бжьаниеи Урыстәыла Афедералтә шәахтә маҵзура анапхгаҩы Даниил Егорови аиԥылара рыман ҳәа аанацҳауеит ахада исаит.
Аслан Бжьаниеи Даниил Егорови Аԥсны ашәахтә усхк аҟны ацифратә технологиақәа рхархәашьа иалацәажәеит.
Урыстәыла Афедералтә шәахтә маҵзура анапхгаҩы Даниил Егоров дрылацәажәеит ашәахтә маҵзураҿы ацифратә технологиа ахархәараз ирымоу аԥышәа, иазгәеиҭеит Афедералтә шәахтә маҵзура иаԥнаҵаз ацифратә екосистема еиҳа-еиҳа ишеиӷьыртәуа, рҿаԥхьа иқәгылоу аусқәагьы рынагӡара ишахәо.
Егоров еиҭеиҳәеит асистема Онлайн-ККТ аԥҵареи ахархәареи шымҩаԥысуа.
Аслан Бжьаниа аинтерес икит автоматизациа зызу ахылаԥшратә система АСК НДС-2 аналитикатә инструментқәа.
Аиԥылараҿ аганқәа агәыӷра аадырԥшит ашәахтә усхк аҿы ԥхьаҟагьы аус шеицыруазы.
Иара убас шәаԥхьар ҟалоит:
- "Ишәарҭам ақалақь", аҵара азҵаарақәеи: Бжьаниа Москва аиԥыларақәа мҩаԥигеит
-
Бжьаниеи Патрушеви Аԥсны ақыҭанхамҩа аҿиара азҵаара иалацәажәеит
