11:40 02 Хәажәкыра 2021
Ишиашоу ицо аефир
  • USD74.04
  • EUR89.45
Аԥсны
Икьаҿу ахьарԥш аиура
11 0 0

Ажьырныҳәа 19 асааҭ жәаба шыҟаз Гәдоуҭа ақалақь ахәҭаки Гәдоуҭа араиони лашарада иаанхеит. АУН "Амшынеиқәафымцамч" абригадақәа асааҭ 14:00 рзы аремонт хдыркәшеит.

АҞӘА, ажьырныҳәа 20 – Sputnik, Бадри Есиава. Гәдоуҭа ақалақь ахәҭаки Гәдоуҭа араиони лашарада иаанхеит авольтҳарак-цәаҳәа "Калдахәара" иақәыз ахьанҭара иахҟьаны, ҳәа Sputnik иазеиҭарҳәеит "Амшынеиқәафымцамч" гәдоуҭатәи аҟәша аколл-центр аҿы.

"Авольтҳарак шьаҟақәа ирыхшьу ацәаҳәацҵа - ашлеиф блит. Аремонттә усурақәа мҩаԥыргон "Амшынеиқәафымцамч" гәдоуҭатәии аҟәатәии аҟәшақәа русзуҩцәа. Дара напыламацара амаҟа ҷыдақәа рымӷаҵаны, альпинистцәа реиԥш ашьаҟа иқәланы ацәаҳәақәа еиԥыршьит", - рҳәеит аколл-центр аҿы.

Ажьырныҳәа 19 асааҭ жәаба шыҟаз Гәдоуҭа ақалақь ахәҭаки Гәдоуҭа араиони лашарада иаанхеит. Аремонттә бригадақәа сааҭқәак рҭаххеит авариа ахьыҟалаз аҭыԥ аарԥшрази, сааҭк аҟара уи аҭыԥ ақәҵарази.

"Амшынеиқәафымцамч" ауааԥсыра рахь адырра ҟанаҵеит аенергосистема ахьанҭара иахьаҵалаз азы авариақәа аԥдырҟәҟәаарц афымцалашара аиураҿы аԥкырақәа шаларгало. Астанциа маҷқәа ирҿыгоу ацәаҳәақәа, афидерқәа, реидара ирылшо ишахыҳәҳәо шырбалак иаҿырхлоит.

Иара убас шәаԥхьар ҟалоит:

Ихадоу атемақәа