Александр Анқәаб иҭагылазаашьа аиӷьхара иалагеит

© Sputnik / Томас ТхайцукЗаседание Координационного штаба по защите населения от коронавируса
Заседание Координационного штаба по защите населения от коронавируса - Sputnik Аҧсны
Анапаҵаҩра
Александр Анқәаб аԥыза-министр ажьырныҳәа 8 раахыс акоронавирустә инфекциаҟынтәи иҽихәышәтәуеит Урыстәыла Афедералтә ҭҵаарадырра-клиникатә центр ФМБА аҟны.

АҞӘА, ажьырныҳәа 25 - Sputnik. Аԥсны аԥыза-министр Александр Анқәаб иҭагылазаашьа аиӷьхара иалагеит рҳәеит атәыла Аминистрцәа реилазаара асаит аҟны.

"Ажьырныҳәа 25 рзы имҩаԥысыз аҳақьымцәа рконсилиум излаԥхьаӡаз ала, Аԥсны аԥыза-министр Александр Анқәаб игәабзиара аҭагылазаашьа ҭышәынтәалоуп, аиӷьхара анубаалоит", - ҳәа азгәаҭоуп адырраҭараҿы.

Аҳақьымцәа изларҳәо ала, апациент ихдырра цқьоуп, дызхәышәтәуа аусзуҩцәеи иареи еимадоуп. Иақәнагоу ахәышәтәра изымҩаԥыргоит.

Александра Анқәаб ажьырныҳәа 17 рзы ирԥҳақәа иԥсабаратәымкәа аҳауарҭарсга аппарат (ИВЛ) ахь диаргеит. Усҟан иҭагылазаашьа хьанҭоуп ҳәа иԥхьаӡан.

Аԥсны аԥыза-министр Александр Анқәаб акоронавирус ицәа ишалаз аарԥшын ԥхынҷкәын 30 рзы, ажьырныҳәа 5 рзы иара Гәдоуҭатәи ахәышәтәырҭа дҭашәеит. Хымш рышьҭахь иӡбан иара ихәышәтәра Москва иациҵарц азы.

Ажәабжьқәа зегьы
0