АҞӘА, жәабран 11 - Sputnik. Аԥшьаша жәабран 11 рзы Росавиациаҿ имҩаԥган Аҟәатәи аҳаиртә баӷәазаҿы аҳаиртә еимадара азҵааразы аконсультациақәа. Абри атәы аанацҳауеит Аекономика аминистрра асаит.
Аԥсны аԥыза-министр ихаҭыԥуаҩ, аекономика аминистр Кристина Озганԥҳаи аҳаиртә транспорт Афедералтә маҵзура анапхгаҩы Александр Нерадькои Москва аиԥылара мҩаԥыргеит.
Аҳаиртә еимадара аиҭахацыркра азҵааразы аԥсуа-аурыс усутә гәыԥ аинырра аконструктивтә ҟазшьа амоуп, апрактикахь ииасуеит ҳәа иҳәеит Нерадько. Аус адулоуп амҩақәҵаратә хсаалага, апроекттә еиҿкаарақәа ирацәажәоит ҳәа иҳәеит иара.
Аганқәа инарҵауланы ирылацәажәеит апроекттә усурақәа реиҿкаара азҵаарақәа, абаӷәаза ахыбрақәеи аобиектқәеи рыргылареи аҳауатә ныҟәара анапхгаратә система аиҿкаареи налаҵаны.
Кристины Озганԥҳа лажәақәа рыла, Аԥсны ақәгәыӷуеит аҳаиртә баӷәаза акомплекс аобиектқәа апроект рзыҟаҵара сынтәа иалагоит ҳәа.
Аиԥылара аихшьалақәа рыла, аганқәа ишьақәдырӷәӷәеит аграждантә авиациа аусхк аҟны еицырзыфеидоу аусеицура арҿиареи арӷәӷәареи ринтерес шрымоу.
Иара убас шәаԥхьар ҟалоит:
-
Кристина Озгани Урыстәыла аенергетика аминистр ихаҭыԥуаҩи еиԥылеит
