АҞӘА, хәажәкыра 7 - Sputnik. Ахра Аҩӡба изинқәа зыхьчо Аԥсны апрокуратура хадахьы ааԥхьара ҟалҵоит иҩны аԥшаарақәа рымҩаԥгашьа ахәшьара арҭарц. Абри атәы лҳәеит Ахра Аҩӡба идукат Инга Габилаиа.
Агәыԥ "Пятнашка" акомандир, Аԥсны ахада уаанӡатәи ицхырааҩ Ахра Аҩӡбеи иҩызцәа хәҩыки аанкылан хәажәкыра 4 рзы, дара ахара рыдарҵоит заанаҵ еибыҳәаны изакәанымкәа абџьар рҵәахуан азы.
Иахьа ахәылбыҽха асааҭ 21:00 рҟынӡа аӡбарҭа аилатәара мҩаԥысроуп, закәанла 72 сааҭ еиҳаны даанкыланы дыҟазар ҟалом Ахра Аҩӡба.
Ари аҿҳәара нҵәаанӡа иара доурышьҭроуп, ма ахара идҵаны дҭаркроуп.
Иара убас шәаԥхьар ҟалоит:
