Акоронавирус злаз ҩыџьа рыԥсҭазаара иалҵит Гәдоуҭатәи ахәышәтәырҭаҿы

© Sputnik / Алексей Сухоруков / Амедиаҵәахырҭахь аиасраТамбовская областная станция скорой медицинской помощи
Тамбовская областная станция скорой медицинской помощи - Sputnik Аҧсны, 1920, 24.03.2021
Анапаҵаҩра
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 13300-ҩык ыҟоуп, ргәы бзиахеит 12801-ҩык, рыԥсҭазаара иалҵит 211-ҩык.

АҞӘА, хәажәкыра 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 183-ҩык атестқәа рзыҟаҵан, урҭ рахьтә 26-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Хәажәкыра 23 рзы Гәдоуҭатәи араионтә хәышәтәырҭаҿы рыԥсҭазаара иалҵит ҩыџьа апациентцәа - 1942 шықәса ииз ахаҵеи 1961 шықәсазы ииз аԥҳәыси. Рыҩџьагьы ирзышьақәыргылан адиагнозқәа - акоронавирустә инфекциеи ҩганктәи аполисегментартә гәыҵәкреи.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 30-ҩык, урҭ рахьтә 25-ҩык акоронавирус адиагноз рзышьақәыргылоуп, рҭагылазаашьа бааԥсуп 9-ҩык, ибжьаратәуп - 18-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 30-ҩык апациентцәа, Очамчыра ирхәышәтәуеит быжьҩык, Гагратәи ахәышәтәырҭаҿы - 14-ҩык, Тҟәарчалтәи ахәышәтәырҭаҿы - ҩыџьа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0