08:07 14 Мшаԥы 2021
Ишиашоу ицо аефир
  • USD77.25
  • EUR91.92
Аԥсны
Икьаҿу ахьарԥш аиура
8 0 0

Асигареҭқәа Аԥсны аҵакыраҿы иаахәаны акоммерциатә хықәкы рыманы Урыстәылаҟа ииаргон.

АҞӘА, мшапы 1 - Sputnik. Урыстәылатәи аҳазалхыҩцәеи аҳәаахьчаҩцәеи иԥыркит изакәанымкәа Урыстәыла аҵакырахь 700 пачка аконтрабандатә сигареҭ аиагара ҳәа аанацҳауеит Краснодартәи аҳазалхырҭа апресс-маҵзура.

Аушьҭырҭатә ҭыԥ "Адлер" аҿы аҳазалхра-гәаҭаратә уснагӡатәқәа раан иаарԥшын Аԥснынтәи Урыстәылаҟа аконтрабанда аалыҵ аҳәаа иахызгоз амашьынақәа ҩба.

Аҳазалхыҩцәа зыгәҩара ркыз автомашьына TOYOTA MARK X аанкылан игәарҭеит. Атранспорттә хархәага асканер иахыжьын, аҩнуҵҟа еимдан акинологцәа рыцхыраарала ԥшаан аҭаҭын аалыҵ. Асигареҭ абагаж аҟәшаҿы иҵәахын. Абжьытә динамик анықәырга, ирбеит 380 пачка асигарет "PARLIAMENT" (7600 цыра).

Адырҩаҽны иаанкылан даҽа автомашьынакгьы –TOYOTA. Иараҿгьы маӡала асигареҭ аиагара рҽазыршәон. Аҭаҭын аалыҵ ҵәахын амашьына ашә акәыршаҿы. Иаарԥшын 400 пачка асигареҭ.

© Foto / пресс-служба краснодарской таможни
Аԥснынтәи Урыстәылаҟа ииаргоз асигареҭ аконтрабанда аанкылан аҳәааҿ

Аҭаҭын аалыҵ Аԥсны аҵакыраҿы иаахәан Урыстәыла аҭиразы. Атауари амашьынеи изтәу ирымхуп, аҭаҭын аалыҵ аекспертизахь инашьҭуп. Иҟаз ахҭыс аганахьала административтә зинеилагара ҳәа аус хацыркуп: Урыстәыла АЗ ахәҭаҷ 16.2 ахәҭа 1 ала (аҳазалхратә тауар аҵәахырҭақәа рхархәарала аӡырымгаразы); ахәҭаҷ 16.3 ахәҭа 3 ала (ашәҟәы иҭагалам атауар азы административтә ҭакԥхықәра, ииашамкәа атауар ашәҟәы аҭагалара). Имҩаԥысуеит административтә усҭҵаара.

Ихадоу атемақәа