02:19 12 Лаҵара 2021
Ишиашоу ицо аефир
  • USD74.16
  • EUR90.00
Аԥсны
Икьаҿу ахьарԥш аиура
14 0 0

Аԥсны ахада Аслан Бжьаниа амҽыша лаҵара 2 рзы аиашахаҵаратә қьырсианцәа Амшаԥныҳәа лаша рыдиныҳәалеит.

АҞӘА, лаҵара 2 - Sputnik. Аԥсны ахада Аслан Бжьаниа Москватәии Урыстәылазегьтәии апатриарх Кирилл Амшаԥныҳәа лаша идиныҳәалеит. Абри атәы аанацҳауеит ахада иофициалтә саит.

"Шәыԥшьаҳаракыра! Гәык-ԥсыкала ишәыдысныҳәалоит ауаатәыҩса абзиабареи аҳәоуеиқәшәареи рзаазго анцәахаҵареи аԥсҭазаареи ирныҳәоу Мшаԥы лаша аныҳәа. Абри аныҳәамш аҽны Аԥсни Урыстәылеи рыжәларқәа ҷыдала рдоуҳатә акзаара ӷәӷәахоит", - аҳәоит адныҳәалараҟны.

Аслан Бжьаниа иазгәеиҭеит Аурыс Иашахаҵаратә Ныха имҩаԥнаго аусура аҵакы шдуӡӡоу аиашахаҵаратә дунеи аҟны асоциалтә ҭышәынтәалареи аизыразреи рышьақәыргылараҟны. Аԥсны ахада иара убас Урыстәыла аиашахаҵаратә қьырсианцәа зегьы ирзеиӷьеишьеит Анцәа илԥха, адоуҳамч, агәабзиара, мшаԥныҳәазтәи агәырӷьара.

"Агәра згоит Шәара имҩаԥыжәго акырӡа зҵазкуа аусқәа рыла Аԥсни Урыстәылеи рыжәларқәа ақьырсиан ҵасқәа шьаҭас измоу реиҩызареи рыгәреибагареи есааира ишыӷәӷәахало, ишыҿиало", - ҳәа ануп Аԥсны ахада иҟаиҵаз адныҳәараҟны.

Амҽыша лаҵара 2 рзы адунеи зегь аҿы аиашахаҵара қьырсианцәа иазгәарҭоит Амшаԥныҳәа лаша амш.

Иара убас шәаԥхьар ҟалоит:

Ихадоу атемақәа