ГАГРА, лаҵара 12 - Sputnik, Бадри Есиава. Амаҵзурақәа реиӷьтәреи атуризм арҿиареи ирзырхоу "Асасдкылара Академиа" Аԥсны аусура иалагеит. Абри атәы Sputnik иазеиҭалҳәеит аусутә форум "Visit Apsny", алахәыла, апроект "Horecaclub" анапхгаҩы, "Атуризм аԥснытәи аидгыла" апартниор Анна Папиж.
"Академиа аусура ареспублика аҵакыра зегьы аҿы имҩаԥыслоит. Аҽазыҟаҵарақәа ахьымҩаԥысуа ҳәаақәырҵоит агәыԥқәа рзы ҷыда-ҷыдала. Иахьатәи атехнологиақәа иурҭоит алшара аинтернет аҿы иманшәалоу аҭыԥқәа рҿы реиҿкаара", - ҳәа лҳәеит лара.
Академиаҿы иддырҵалоит асасдкылара аҟазара, аконфликтологиа, аетикет, аицәажәаратә культура. Иазԥхьагәаҭоуп иара убасгьы апрограммақәа: аилыргаҩцәа адыррақәа рыҭара, асанитартә шәарҭадара, администраторцәа, аотельқәеи аресторанқәеи напхгара рыҭаразы акурсқәа, ахәынаҳаҩцәа разыҟаҵара.
Папиж илҳәеит атеориатә хәҭа онлаин формат ала ишымҩаԥысло. Латәаратәи атренингқәа мҩаԥыслоит аԥснытәи аотельқәеи аконференц-залқәеи рҿы.
Академиа арҵаҩцәас иҟалоит ростовтәи аҵараиурҭақәа рырҵаҩцәа, аҳәынҭсистемаз аекспертцәа, акоучерцәа, атренинг-менеџьерцәа, ахатәы ҵаратә центрқәа рнапхгаҩцәа. Аҵара ахәԥса шәатәуп.
