АҞӘА, лаҵара 17 – Sputnik. Аԥсны амилициа ауааԥсыра рахь аҳәара ҟарҵоит зхабар ыҟам Урыстәыла атәылауаҩ Михаил Воропаев дахьыҟоу, ма иӡбахәк здыруа азинхьчаратә усбарҭақәа рахь адырра ҟарҵарц. Абри атәы аанацҳауеит Аԥсны ААР Facebook аҿтәи адаҟьаҿы.
"Гагра араион аҩныҵҟатәи аусқәа рыҟәша аҷаԥшьаратә хәҭахьы аҭел дасит аамҭала Гагра инхо, Барнаул ақалақь иатәу ахаҵа, иара иҳәеит мшаԥы 27 асааҭ 03.00 раахыс иахьа уажәраанӡа ихабар шыҟам иҩыза Воропаев Михаил Константин-иԥа", - аҳәоит ААР адырраҭараҿы.
Михаил Воропаев дахьыҟоу азы аинформациа анашьҭра ҟалоит абарҭ аҭелқәа рыла: ААР аҷаԥшьаратә хәҭа 226-41-41; ААР ацәаҳәа ҷыда: 920-20-95 (WatsApp/Telegram).
